¿Remañápa umi marandu oñemoĩvare tavlérope?

Umi ansiáno, siérvo ministeriál ha ambue ermáno orekóva rresponsavilida kongregasiónpe omaña jepi pe tavlérore oikuaa hag̃ua orekótapa asignasión. Upéicharõ jepe, upépe oĩ informasión ideprovéchova enterovépe g̃uarã. ¿Jaikuaa piko arakaʼépa otoka ñandéve ñamopotĩ Salón del Reino? ¿Oguerukápa ñandéve peteĩ kárta iñimportánteva superintendénte de sirkuíto térã sukursál? ¿Jaikuaámapa pe diskúrso púvliko réra ñainvita hag̃ua ñane estudiantekuérape? ¿Oñekambiápa raʼe pe óra ñasẽ hag̃ua japredika ñande grúpondi térã ñane rreunión óra? Koʼãva apytépe heta mbaʼe noñeanunsiavéima rreunionhápe, ha sapyʼánte umi ansiáno ndaikatumoʼãi oavisa enterove maranduhárape. Upévare, iporãta ñandete jaha jepi ñamaña pe tavlérore, upéicha jaikuaáta umi marandu ha jajapóta opa mbaʼe “hekopete ha hendaitépe” (1 Cor. 14:40).