Ñamombeʼúkena pe ogajárape maʼerãpa javisita chupe

Ñag̃uahẽ jave peteĩ ógape katuete pe ogajára oikuaase mávapa ñande ha maʼerãpa jaha. Upévare, heta maranduhára og̃uahẽvo peteĩ ógape pyaʼe voi heʼíma maʼerãpa oporovisita hína. Osaluda rire pe ogajárape heʼi péicha: “Roju ningo nerendápe rohechauka hag̃ua ndéve mbaʼéichapa ikatu restudia la Biblia gratiete” térã “Koʼág̃arupi oĩ hetaitereive mondaha ha hetápe oipyʼapy upéva”, ha upe rire ombaʼeporandu chupe. Umi ogajára oikuaa porã rire maʼerãpa javisita chupekuéra, katuete ohendusevéta pe marandu jagueraháva.