Jaiporu hag̃ua predikasiónpe

Ñemañaha 1 de febrero

“Rontrega hína ko informasión ne vesinokuérape. Koʼápe oexplika mbaʼéichapa la Biblia ikatu ideprovécho ñandéve. Kóva nembaʼerã. [Emeʼẽ pe ogajárape pe tratádo ¿Mbaʼépa nde repensa la Bíbliare?] Heta hénte oikuaase jepi moõpa ikatu ojuhu konsého oipytyvõtava chupe itraváhope. Emañamína mbaʼépa heʼi la Biblia ko versíkulope. [Elee Eclesiastés 3:13.] La Bíbliape jatopa heta konsého ñanepytyvõva javyʼave hag̃ua ñande travahohápe. Ko rrevísta oñeʼẽ upévare. Ahejáta ndéve relee hag̃ua.”

Folléto: ¡Notísia porã oúva Ñandejáragui!

• “Heta hénte ningo oñemboʼe Ñandejárape, koʼýte iprovléma jave. Ndépa mbaʼe repensa, ¿ohendúpa Ñandejára enterovéva ñemboʼe, térãpa oĩ avei umi ndoguerohorýiva? [Ehaʼarõ tombohovái.] Agueru peteĩ folléto ohechaukáva mbaʼépa heʼi la Biblia upévare. [Emeʼẽ chupe pe folléto ha ehesaʼỹijo hendive pe primer párrafo oĩva leksión 12-pe ha umi téxto heʼíva “Elee”.] Reipotáramo, ikatu aheja ndéve ko folléto ha aju jey ótro día jahecha hag̃ua mbaʼéichapa la Biblia ombohovái ko ótro porandu. [Ehechauka chupe pe segunda pregúnta.]”

• “Koʼág̃arupi káda día hetave umi mbaʼe ñanembohasa asýva, ha heta hénte oikuaase mbaʼépa Ñandejára ojapóta yvyporakuéragui, ha mbaʼépa oikopáta ñandehegui amo gotyove. Ndépa mbaʼe ere, ¿oipotánepa Ñandejára opa umi mbaʼe ñanembohasa asýva? [Ehaʼarõ tombohovái.] Ko folléto nepytyvõta rembohovái hag̃ua upéva nde Bibliaitépe voi. [Emeʼẽ chupe pe folléto, elee pe primer párrafo oĩva leksión únope ha Jeremías 29:11.] Heʼiháicha koʼápe, ¿mbaʼépa Ñandejára oipota ñandéve g̃uarã? [Ehaʼarõ tombohovái.] Ahejáta ndéve ko folléto, ha reipotáramo ág̃a ótro ajúpe ikatu ñahesaʼỹijo pe segundo párrafo ha jahecha mbaʼéichapa Ñandejára oipeʼaitéta umi mbaʼe ñanembohasa asýva.”