Ñañeʼẽkena kyreʼỹme Jesúsre

Ñañehaʼãramo ñandekatupyryve ñamboʼe hag̃ua umi héntepe mbaʼépa omboʼe la Biblia Jesúsre, ñanekyreʼỹvéta jajapo hag̃ua ko tembiapo. Jaikuaaháicha, peteĩ óga isimiénto porãmante vaʼerã imbarete hag̃ua, péicha avei ñande ñaikotevẽ Jesúsre ikatu hag̃uáicha ñande jerovia mbarete (Efes. 2:20). Añetehápe, Jesús rupivénte ñande jareko esperánsa jaikovévo opa ára g̃uarã (Hech. 4:12). Upévare, tekotevẽterei ñamombaʼe Jesús ojapóva okumpli hag̃ua Ñandejára rembipota. Hetaiterei héntepe ningo oñemboʼe vaipa; ha ñambyasýramo jepe, haʼekuéra ndojeroviáiramo Jesúsre, ndaikatumoʼãi ohupyty umi mbaʼe porã Ñandejára oprometéva. Ñande katu jaikuaa porã mbaʼépa omboʼe la Biblia hese, jaikuaa haʼe rupive oñekumpliha Ñandejára rembipota, ha avei haʼe ha Itúa ndahaʼeiha peteĩnte. Ha ñamombaʼe rupi koʼã enseñánsa, kyreʼỹme ñaipytyvõ umi ipyʼaporãvape ontende hag̃ua avei koʼã mbaʼe. Upévare iporã káda uno ñañeporandumi: “¿Añeʼẽtapa kyreʼỹme Jesúsre Konmemorasión tiémpope?”.