¿Mbaʼérepa ñamboʼe umi héntepe?

¿Mbaʼérepa jajapo estúdio vívliko? ¿Jajapópa upéva ñaipytyvõséguinte umi héntepe oreko hag̃ua esperánsa ha oiko hag̃ua pyʼaguapýpe? Nahániri. Iñimportánteramo jepe ñaipytyvõ umi héntepe koʼã mbaʼépe, ñande jajapo ko tembiapo jaipotágui oiko chuguikuéra Jesús disípulo (Mat. 28:19; Hech. 14:21). Upévare, tekotevẽterei ñaipytyvõ ñane estudiantekuérape oñemoag̃ui hag̃ua kongregasiónre, upéicharõ mante ikatúta oprogresa ha omombaʼe Jehová organisasión.

Mbaʼéichapa ikatu jajapo. Ñamokyreʼỹ vaʼerã ñane estudiántepe oho hag̃ua rreunionhápe jastudia ypy guive hendive (Heb. 10:24, 25). Jaexplika vaʼerã chupe umi rreunión rupive ikatutaha omombareteve ijerovia. Jaʼekuaa avei chupe upépe oaprendetaha mbaʼéichapa ikatu ombovyʼa Ñandejárape ha hiʼarive okonsegitaha heta amígo ikalidáva oservíva avei Jehovápe (Sal. 27:13; 32:8; 35:18). Ñane estudiánte ohose hag̃ua rreunionhápe, tekotevẽ ñande voi jahechauka ñamombaʼeha pe kongregasión ha ñane rreunionkuéra.

Umi ostudiáva la Biblia ñanendive ohechakuaa vaʼerã Jehová organisasión ombaʼapoha opárupi ko yvy ape ári. Upearã ikatu jahechauka chupekuéra koʼã vidéo: Testígo de Jehová: Opredika opárupi ko yvy ape ári ha Jahayhúkena enterove ñane ermánope, oĩva ñande sítio jw.org-pe. Ñaipytyvõkena ñane estudiántepe ontende hag̃ua Jehová ojevaleha opaichagua héntere ko yvy tuichakuére okumpli hag̃ua hembipota. Ha ñamokyreʼỹ chupekuéra oservi hag̃ua avei Jehovápe ñanendive (Is. 2:2, 3).

Javyʼaiterei ningo jahecha jave ñane estudiánte oservimaha avei Jehovápe. ¡Ha upéva hína la jahupytyséva ñamboʼévo la Biblia umi héntepe! (3 Juan 4.)