Umi mbaʼe jaikuaaséva

◼ ¿Iporãpa jaipuru Internet japredika térã jajapo hag̃ua estúdio umi persóna jaikuaaʼỹvape oĩva ótro paíspe?

Oĩ ningo puvlikadór oipurúva Internet oofrese hag̃ua estúdio umi hénte oikóvape ótro paíspe, tahaʼe umi país oĩhápe saʼi Testígo térã ojeproivihápe pe predikasión. Sapyʼánte ojehupyty jepi mbaʼe porã ojejapo rupi upéicha. Péro ipeligróso jaiko ñamensahea térã ñamondo korréo elektróniko umi extráñope (ehecha Ñane Rembiapo Rréino Rehegua julio de 2007, páhina 3). Hiʼãiterei ningo añete ñamog̃uahẽ pe marandu porã entéro umi hénte ipyʼaporãvape, péro Internet rupive ikatu hína ñañekomunika umi persóna ikatúvandi ñandegueraha vai, ha ikatu voi umi apóstatandi (1 Cor. 1:19-25; Col. 2:8). Avei umi país ojeproivihápe pe predikasión térã ndaikatuihápe umi ermáno oñerreuni, pe goviérno ikatu hína orrevisa umi mensáhe oñemondóva. Ha upéva ikatu oaprovlema umi ermáno upepeguápe. Upévare, aníke jaheka Internet rupive umi persóna oikóvape ótro paíspe japredika hag̃ua chupekuéra.

Japredikáramo peteĩ persóna oĩvape de visíta ñande paíspe, jahechauka vaʼerã chupe mbaʼéichapa ikatu oipuru ñande sítio jw.org otopa hag̃ua hetave informasión térã oñekomunika hag̃ua pe sukursál ipaispeguándi. Ha oĩramo Salón pe oikohárupi, ikatu ñamokyreʼỹ chupe oho hag̃ua rreunionhápe. Péro oho jey rire hógape, pe sukursál ndoautorisáiramo ñandéve, ndajaikovéima vaʼerã jasegi ñañekomunika hendive ñañeʼẽ hag̃ua la Bíbliare. Ha oipotáramo peteĩ Testígo ovisita chupe, ñakompleta vaʼerã pe formulário Persona que mostró interés (S-43) ha ñameʼẽ pe sekretário ñane kongregasionpeguápe ha haʼe omondóta upéva Betélpe jw.org rupive. Pe sukursál oñenkargáva upe paísre oikuaa porãve mbaʼéichapa pe situasión upépe, upévare oipytyvõ porãvéta hína upe persónape (ehecha Ñane Marandu Porã junio de 2014, páhina 7, ha Ñane Marandu Porã noviembre de 2011, páhina 2).

Oiméramo peteĩ ñande rrevisíta ova ótro paíspe, térã jajapo hína estúdio Internet rupive peteĩ persóna jaikuaaʼỹvape, tekotevẽ jajapo ojeʼe haguéicha ñandéve pe ótro párrafope. Péro ikatu hína jasegi ñañeʼẽ hendive la Bíbliare peteĩ puvlikadór upepegua oñekomunika peve hendive. Pe persóna oikóramo peteĩ lugár ojeproivihápe pe predikasión térã ndaikatuihápe umi ermáno oñerreuni, tekotevẽ ñañatende ñañeʼẽ hag̃ua la Bíbliare tahaʼe mensáhe, kárta térã teléfono rupive (Mat. 10:16).