Jajeroviákena ha ani jajesegi jahechávarente

Oñemongora ha oñehundi mboyvemi Jerusalén, apóstol Pablo oskrivi vaʼekue umi kristiánope ohasataha hikuái heta mbaʼe ijetuʼúva, upévare ndovaleiha omombaʼeterei umi komodida ha umi mbaʼerepy (2 Tim. 2:3, 4). Koʼág̃a oñehundipotaitéma hína ko múndo aña, upévare tekotevẽ jajerovia mbarete Jehováre ha ñamotenonde iservísio (2 Cor. 4:18; 5:7). Ehechamína pe vidéo Jajeroviákena ha ani jajesegi jahechávarente. (Ikatu avei eike ehecha jw.org/gug-pe, heʼihápe PUVLIKASIONKUÉRA > VIDÉO.) Upéi ejepyʼamongeta mbaʼéichapa Nadab ha Débora omombaʼeterei kuri umi mbaʼerepy ha mbaʼéichapa upéva ogueraha vai chupekuéra. Upéi embohovái koʼã porandu.

1) ¿Mbaʼépa orrepresenta vaʼekue ‘pe mbaʼe ñanembojeguarúva ha oguerúva ñehundi oĩva pe lugár imarangatúvape’, ha mbaʼépa ojapo vaʼerã kuri umi kristiáno oikóva Jerusalénpe? (Mat. 24:15, 16). 2) ¿Mbaʼérepa tekotevẽ kuri ojerovia mbarete hikuái osẽ hag̃ua Jerusaléngui? 3) ¿Mbaʼe sakrifísiopa tekotevẽ kuri ojapo hikuái? 4) ¿Mbaʼérepa Nadab ha Débora omakaneaite osẽ hag̃ua pe siudágui? (Mat. 24:17, 18). 5) ¿Mbaʼépa ijetuʼu vaʼekue avei Raquélpe osérõ guare Jerusaléngui? (Mat. 10:34-37; Mar. 10:29, 30). 6) ¿Mbaʼéichapa Jafet omoĩ ehémplo porã ojerovia mbaretévo Jehováre? 7) ¿Mbaʼe situasión ijetuʼúvapa ohasa vaʼekue umi kristiáno Pélape? 8) ¿Mbaʼéicha rupípa Nadab ha Débora ou vaʼekue mbeguekatúpe ndojeroviavéi? 9) ¿Mbaʼéichapa oñangareko vaʼekue Jehová umi kristiáno oĩvare Pélape? (Mat. 6:33; 1 Tim. 6:6-8). 10) ¿Mbaʼéichapa ikatu jasegi Abrahán ha Sara ehémplo koʼã ára pahápe? (Heb. 11:8-10). 11) ¿Mbaʼérepa Nadab ha Débora oho jey Jerusalénpe ha mbaʼérepa jaʼekuaa oñembotavy hague hikuái ijupe voi? (Luc. 21:21). 12) ¿Mbaʼe situasiónpepa oĩ vaʼekue Jerusalén Nadab ha Débora oho jeýrõ guare upépe? 13) ¿Mbaʼérepa tekotevẽ koʼág̃a ñamombarete ñande jerovia og̃uahẽ mboyve pe fin? (Luc. 17:31, 32; 21:34-36).

Jahechauka jajeroviaha 1) ñakonfiávo Jehováre, 2) jahejávo haʼe ñandegia ha 3) ñamotenondévo Jehová servísio jaiko rangue umi mbaʼerepy rapykuéri. Jasegíkena jahechauka jajeroviaha Jehováre ha jajapo ivolunta. Heʼiháicha 1 Juan 2:17, “ko múndo ha umi mbaʼe oipotáva, ohasa ohóvo; péro pe ojapóva Ñandejára rembipota opyta opa ára g̃uarã”.