Ñamboʼe la Biblia heʼíva

Septiembre guive, ñande Prográma rreuniónpe g̃uarã, pe párte oĩhápe presentasionkuéra oñemoĩta peteĩ párte hérava “Ñamboʼe la Biblia heʼíva”. Ko párte ojejapo ikatu hag̃uáicha jajeprepara ñañeʼẽ hag̃ua la héntendi umi mbaʼe iñimportánteva omboʼévare la Biblia. Upearã oñemoĩta peteĩ pregúnta ha peteĩ téxto orrespondéva upe pregúnta.

Jahechakuaáramo upe téma ointeresaha pe ogajárape, ikatúma ñambohape jajapo hag̃ua rrevisíta. Ikatu jaheja chupe peteĩ puvlikasión térã jahechauka chupe peteĩ vidéo oĩva jw.org/gug-pe. Ani ñahaʼarõiterei javisita jey hag̃ua umi persóna ñanerendu porã vaʼekuépe. Ojejapo hag̃ua umi presentasión osẽtava ñane prográma oñepyrũvo, ojepurúta lívro ¿Mbaʼépa ñanemboʼe la Biblia?, pe párte heʼíva “Mbaʼépa ñaaprende”, oĩva opávo káda kapítulo. Upépe oĩve heta pregúnta ha téxto ikatúva jaipuru jajapo hag̃ua rrevisíta térã estúdio bíblico jaipuruʼỹre ótra puvlikasión síno la Bíbliante.

Peteĩnte ningo oĩ pe tape ñandegueraháva “jeikove opaveʼỹvape” (Mt 7:13, 14). Predikasiónpe ningo ñande ñañeʼẽ opaichagua héntendi, ha orekóva diferénte rrelihión. Ñandéve hiʼãiterei ñamog̃uahẽ káda únope ikorasõme umi notísia porã oĩva la Bíbliape (1Ti 2:4). Ñañembokatupyryvéramo ñañeʼẽ hag̃ua la héntendi diferénte téma oĩvare la Bíbliape ha jaipurúramo “Ñandejára Ñeʼẽ hekoitépe”, katuete javyʼavéta ha ñaipytyvõta hetave héntepe oñemoag̃ui hag̃ua Ñandejárare (2Ti 2:15).