Javyʼa jaikuaágui oĩtaha yvága pyahu ha yvy pyahu

Pe promésa jatopáva Isaías kapítulo 65-pe katuete oñekumplíta, upévare Jehová oñeʼẽ upe promésare oikomarõguáicha.

Jehová okrea “yvága pyahu ha yvy pyahu”, ha upépe ñanderesaráita umi mbaʼe yma guarégui

65:17

¿Mbaʼépa hína “umi yvága pyahu”?

• Upéva hína peteĩ goviérno pyahu ojapótava hustísia ko yvy ape ári.

• Upe goviérno oñepyrũ áño 1914-pe, Jesúspe oñemoĩrõ guare rréiramo Ñandejára Rréinope.

¿Mbaʼépa hína “pe yvy pyahu”?

• Upéva hína umi hénte oúva opa tetãgui, oñeʼẽva diferénte idióma ha haʼéva de diferénte rrása ha oñemoĩtava Ñandejára goviérno poguýpe.

¿Mbaʼérepa la Biblia heʼi ñanderesaraitaha umi mbaʼe yma guarégui?

• Opáta umi mbaʼe ñanembosufríva tahaʼe físika, mentál térã emosionálmente.

• Entéro umi iñeʼẽrendúva Ñandejárape odisfrutáta heta mbaʼe porãgui ha káda día voi ohasáta heta mbaʼe porã ha siémpre imanduʼáta umívare.