Eñembokatupyryvékena: Epredika peteĩ kámara térã portéro eléktriko rupive

MBAʼÉREPA IÑIMPORTÁNTE: Hetave rupi pe insegurida, heta persóna oaprovecha pe teknolohía ha omoĩ kámara térã portéro eléktriko hógape. Ikatu ningo jakyhyje ñapensávo japredika vaʼerãha peteĩ persóna ñanderechávape péro ñande ndaikatúivape jahecha. Koʼã konsého ñanepytyvõta ani hag̃ua jakyhyje japredikáta jave peteĩ kámara térã portéro eléktriko rupive. Avei ideprovéchota ñandéve japredika hag̃ua por teléfono.

MBAʼÉICHAPA IKATU REJAPO:

• Ani epensa umi persóna nanerenduseiha. Heta persóna orekóva kámara térã portéro eléktriko naiprovlémai oñemongeta hag̃ua ñanendive.

• Nemanduʼa vaʼerã oĩha kámara oñepyrũmava ndegrava embopu mboyve jepe pe tímbre, ha umi persóna ikatúma nderecha térã ohendu la eréva eg̃uahẽre hóga renondépe.

• Pe persóna okontestávo ndéve, eñeʼẽ vaʼerã ehecharõguáicha chupe. Epukavy ha ejapo umi hésto ejapótava voi normálmente. Ere chupe umi mbaʼe eréta vaʼekue osẽrire oñatende nderehe. Oĩramo kámara, ani ejaiterei hese. Noñatendéiramo nderehe avave, ani eheja peteĩ mensáhe de vos.

• Nemanduʼa vaʼerã, reñeʼẽmbámarõ jepe pe ogajárandi, haʼe ikatuitiha nderecha térã nerendu.