Ñamombaʼe ñane amista Jehovándi

Ñande testígo de Jehová jareko peteĩ priviléhio tuichaitereíva. Ñañemeʼẽ ha jajevautisa rupi ikatu jasegi jaikuaave Jehovápe ha ñañemoag̃uive hese. Haʼe ningo Ñandejára ogovernáva opa mbaʼe, ha haʼe voi ñanemoag̃ui ijehe Itaʼýra rupive (Jn 6:44). Avei Jehová ohendu ñane ñemboʼe (Sl 34:15).

¿Mbaʼéicha ikatu japrotehe ñane amista Ñandejárandi? Por ehémplo, ndovaléi jajapo umi mbaʼe vai ojapo vaʼekue umi israelita. Haʼekuéra ojapo riremínte peteĩ kompromíso Jehovándi, oho ojapo peteĩ vaka raʼy raʼanga ha oadora upéva (Éx 32:7, 8; 1Co 10:7, 11, 14). Iporã ñañeporandu: “¿Mbaʼéichapa arreaksiona oñepresenta jave peteĩ situasión ikatuhápe ajapo ivaíva? ¿Ahechaukápa la adesidívare amombaʼeha che amista Jehovándi?”. Jahayhúramo Ñande Ru yvagapeguápe ni mbaʼevéicharõ ndajajapomoʼãi umi mbaʼe ndogustáiva chupe (Sl 97:10).

EHECHA PE VIDEO JAPROTEHE ÑANE AMISTA JEHOVÁNDI (COL 3:5) HA UPÉI ERRESPONDE KOʼÃ PORANDU:

• ¿Mbaʼépa heʼise ñandetaryrýi?

• ¿Mbaʼérepa ivai jaipotaiterei mbaʼe ahéno ha pe taʼanga jeadora?

• ¿Mbaʼérepa jaʼekuaa peteĩ persóna oporomoakãratĩva ojoguaha peteĩ oadorávape umi taʼanga?

• ¿Mbaʼérepa umi omendáva ha orekóva rresponsavilida kongregasiónpe koʼytevéntema oñatende porã vaʼerã hembirekóre?