Jasegíkena jaipuru umi rrevísta

Áño 2018 guive káda rrevísta púvlika oñeʼẽ peteĩ témarente. Entéro koʼã rrevísta oĩ ñande kit de enseñánzape ha upévare ikatu jaipuru japredika hag̃ua. Ikatu avei jagueraha jaha jave ñambaʼejogua ha javiaha jave. Koʼã rrevísta ndojepreparái jastudia hag̃ua umi héntendi, péro ikatu peteĩ persóna ostudiase la Biblia olee rire peteĩ rrevísta.

Ñañemongeta jave umi héntendi iporã jalee peteĩ téxto bíblico ha ñañeʼẽ chupe peteĩ téma osẽvare peteĩ rrevístape ha ikatúva ogusta chupe. Por ehémplo oimérõ pe persóna ifamília, oñembyasy hína térã oñekevrantaiterei álgore, ikatu jaʼe chupe: “Ndaʼaréi ningo alee hague peteĩ informasión oñeʼẽva upéare, ¿ikatúiko ahechauka ndéve upe informasión?”. Rehechakuaáramo oñeinteresaha ikatu emeʼẽ chupe peteĩ rrevísta imprésa térã emondo chupe por Internet. Reñeʼẽ ypy guive peteĩ persónandi ikatúma rejapo upéva. Añetehápe la iñimportantevéva ndahaʼéi ñameʼẽnte umi rrevísta, síno jaipuru koʼãva jatopa hag̃ua umi ipyʼaporãva oaprendeséva Ñandejáragui (Hch 13:48).

2018

2019

2020