ÑAMBOʼE PORÃVE HAG̃UA | EVYʼAVE EPOROMBOʼÉVO
Eñemoĩ umi ótro lugárpe
Ñañemoĩ ñande rapicha lugárpe heʼise ñantendeha mbaʼépa opensa, oñandu, omombaʼe ha oikotevẽ. Jajapóramo upéva, umi hénte ohechakuaáta ñaipytyvõseha ñande pyʼaite guive ñande rapichápe. Ñaporomboʼe jave ñañemoĩrõ umi ótro lugárpe jasegi hína Jehová ehémplo, pórke haʼe ohayhu ha oñeinteresa umi héntere. Ha upéva ikatu oipytyvõ chupekuéra oñemoag̃uise hag̃ua hese (Flp 2:4).
Ñande nañañemoĩri umi hénte lugárpe ñaporomboʼe javénte, síno opa mbaʼe jajapóvape. ¿Mbaʼéichapa jahechauka upéva? Por ehémplo jajapysaka porãvo, ñañeʼẽ lájare, ñande rováre, ha umi hésto jajapóvare. Avei jareko enkuénta mbaʼépa ogusta pe persónape, mbaʼépa oguerovia ha mbaʼe situasiónrepa ohasa hína. Ikatu jaheka informasión ha ñameʼẽ chupe algún konsého, péro núnka ndajajopýi vaʼerã hendive okambia hag̃ua. Umi persóna ohejáramo ñaipytyvõ chupe katuete javyʼaitereíta ñaporomboʼévo.
EHECHA PE VIDÉO JAVYʼÁKENA JAJAPÓVO DISÍPULO: ÑAÑEMBOKATUPYRYVE JAHÁVO: EÑEMOĨ UMI ÓTRO LUGÁRPE, HA UPÉI ERRESPONDE KOʼÃ PORANDU:
¿Mbaʼéichapa Nilda ohechauka oñemoĩha hapicha lugárpe Arami og̃uahẽrõ guare tárde?
¿Mbaʼéichapa Nilda ohechauka ontendeha Aramípe heʼírõ guare chupe ojestresaitereiha ha ndaikatumoʼãiha ostudia?
Ñañemoĩramo ñande rapicha lugárpe, umi hénte oñemoag̃uiséta Jehováre
¿Mbaʼéichapa Nilda ohechauka oñemoĩha hapicha lugárpe ohechakuaárõ guare Arami idesordenadaha?