Mbaʼéichapa ikatu jahechauka jajeroviaha Jehováre

David ojerovia vaʼekue ipyʼaite guive Jehováre, ha upéicha rupi ogana Goliátpe (1Sa 17:45). Jehová ningo oipytyvõse umi ojeroviávape hese (2Cr 16:9). Ikuentaiteve ningo jajerovia Jehováre jaiko rangue jajerovia la ñande jaikuaávare térã ñane experiénsiare. ¿Péro mbaʼéichapa ikatu jajapo upéva? Jahechamína 3 fórma:

• Eñemboʼe meme. Iporã añete reñemboʼe rejerure hag̃ua perdón rejavy haguére, péro iporãvéta reñemboʼéramo ani hag̃ua voi rejapo ivaíva oñepresenta jave peteĩ tentasión (Mt 6:12, 13). Rejerure ranguénte Jehovápe tovendesi la redesidímava, ikuentave rejerure chupe tandegia ha tanemoarandu redesidi mboyvéma voi álgo (Snt 1:5).

• Elee ha estudia meme la Biblia. Elee la Biblia káda día (Sl 1:2). Ejepyʼamongeta umi ehémplo oĩvare la Bíbliape ha eñehaʼã ejapo la reaprendéva (Snt 1:23-25). Eipuru umi puvlikasión jarekóva ejeprepara hag̃ua predikasionrã ha umi estudiorã, ha ani ejerovia la reikuaávarente. Avei tuichaiterei ideprovéchota ndéve rejeprepara porãramo umi rreuniónpe g̃uarã.

• Eapoja Jehová organisasiónpe. Eñehaʼã eikuaa umi instruksión pyahu omeʼẽva Jehová organisasión ha ensegída voi esegi umíva (Nú 9:17). Avei resegi vaʼerã umi instruksión ha konsého omeʼẽva umi ansiáno (Heb 13:17).

EHECHA PE VIDÉO ANI JAKYHYJE PE PERSEKUSIÓNGUI, HA UPÉI ERRESPONDE KOʼÃ PORANDU:

• ¿Mbaʼe mbaʼéguipa okyhyje kuri umi ermáno ha ermána?

• ¿Mbaʼépa oipytyvõ chupekuéra ipyʼaguasu hag̃ua?