¿Mávapa ne amigokuéra umi rred sosiálpe?

Umi oñoamígova ningo ojoayhu, okuida ojuehe ha káda uno omombaʼe pe ótro ojapóva. Por ehémplo, David ha Jonatán oñepyrũ vaʼekue oñoamigoite David ogana rire Goliátpe (1Sa 18:1). Káda uno oreko vaʼekue peteĩ kualida porã ogustaitereíva pe ótrope. Legálmente umi oñoamigoitéva ojokuaa porã vaʼerã. Ha jaikuaa porã hag̃ua peteĩ persónape ñañehaʼã vaʼerã ha jahasa vaʼerã tiémpo hendive. Péro umi rred sosiálpe umi hénte iñamígo hetave hag̃ua ojopýnte vaʼerã peteĩ votón. Ñanemanduʼa vaʼerã umi hénte jaikuaáva umi rred sosiálpe ikatuha okalkula porã mbaʼépa heʼíta ha ikatuha omombeʼu la oipotávante ojekuaa chuguikuéra. Upévare ifásil omokañy hag̃ua mbaʼeichagua persónapa añetehápe hikuái. Upéicharõ, reipurúta jave umi rred sosiál rekalkula porã vaʼerã mávapepa reaseptáta ne amigorã. Oimérõ omondo ndéve peteĩ solisitu de amista peteĩ persóna ndereikuaáiva, ani reasepta rekyhyjéguinte oñeñandu vaírõ g̃uarã. Umi rred sosiál ningo ikatu ipeligróso, upévare heta hénte odesidi ndoipuruietévo voi. Péro oiméramo nde redesidi reipurutaha, ¿mbaʼe mbaʼépa iporã ereko enkuénta?

EHECHA PE VIDÉO ANÍKENA EIPURU VAI UMI RRED SOSIÁL, HA UPÉI ERRESPONDE KOʼÃ PORANDU:

• 

  ¿Mbaʼépa iporã ereko enkuénta rehupíta jave umi fóto térã remoĩta jave umi komentário umi rred sosiálpe?

• 

  ¿Mbaʼérepa repensa porã vaʼerã mávapepa reaseptáta ne amigorã?

• 

  ¿Mbaʼérepa reñatende vaʼerã mboy tiémpopa reipuru umi rred sosiál? (Ef 5:15, 16).