Entéro umi sufrimiénto opámante vaʼerã katuete

Umi situasión ijetuʼúva ningo ñanemokangyse jepi, koʼytevéntema oiméramo aréma ñanembosufri. David ndodudái vaʼekue pe provléma orekóva rréi Saúl ndive opáta hague en algún moménto, ha upéi oikotaha chugui rréi Jehová opromete haguéicha (1Sa 16:13). David ijerovia mbarete rupi ipasiénsia ha ohaʼarõnte Jehová osolusiona upe provléma.

Jahasa jave umi situasión ijetuʼúva jaipuru vaʼerã ñane akã, ñane experiénsia ha umi mbaʼe jaikuaáva ñañehaʼã hag̃ua ñasolusiona ñane provléma (1Sa 21:12-14; Pr 1:4). Péro sapyʼánte ningo jasegipaitéma umi konsého oĩva la Bíbliape ñasolusiona hag̃ua umi provléma, ha upéicharamo jepe nomehorái ñane situasión. Péicha jave iporãve jahejánte umi provléma Jehová pópe, ñanepasiénsia ha ñahaʼarõkuaa. Koʼẽrõitéma Jehová oipeʼaitéta umi sufrimiénto jahasáva ha ‘omokãmbaitéta ñande resay’ (Apc 21:4). Oiméramo ñaime porãvéma koʼág̃a, Jehová ñanepytyvõ rupi térã oiko rupi ótra kósa, iporã ñanemanduʼa entéro umi sufrimiénto opámante vaʼerãha katuete. Tuicha ningo ñanekonsola jaikuaa rupi upéva.

EHECHA PE VIDÉO JEHOVÁ PUÉVLO OĨ UNÍDO, KO MÚNDO OĨRAMO JEPE DIVIDÍDO, HA UPÉI ERRESPONDE KOʼÃ PORANDU:

• ¿Mbaʼe situasión ijetuʼúvapa ohasa vaʼekue umi ermáno oikóva sur de Estados Unídospe?

• ¿Mbaʼéichapa ohechauka vaʼekue ipasiénsia ha oporohayhuha hikuái?

• ¿Mbaʼéichapa koʼã ermáno ohechauka “mbaʼépa hína umi mbaʼe iñimportantevéva” chupekuéra g̃uarã? (Flp 1:10).