Jajapo ñande prekursorádo

Iporãiterei ningo jaipuru ñane mbaretekue jahupyty hag̃ua umi méta Jehová servísiope (1Co 9:26). Umíva ñanepytyvõ jaaprovecha porã hag̃ua pe tiémpo hembýva ou mboyve pe fin (Ef 5:15, 16). Por ehémplo, ñande estúdio de família aja ikatu jahecha mbaʼe métapa ñamoĩkuaa pe áño de servísio pyahúpe g̃uarã. Ko Prográma de julio ha agóstope jatopáta unos kuánto artíkulo ohechaukáva umi méta ikatúva ñamoĩ ñañemboʼe rire Jehovápe (Snt 1:5).

Por ehémplo, ñañopytyvõmbárõ kómo família ikatu hína peteĩva jepe oservi de prekursór rregulár. Ha oimérõ jakyhyje ndaikatúirõ g̃uarã jahupyty la ñande óra, iporãta ñañeʼẽramo ótro ermáno oĩvandi ñane situasiónpe ha oservíva de prekursór (Pr 15:22). Ikatu voi jajapo chupe peteĩ entrevistaʼi ñande estúdio de famíliape, ha upéi japrepara peteĩ orário ikatúva jasegi. Oimérõ jaservíma vaʼekue de prekursór ymave, iporãitereíta jahecha jeýramo ndaikatúipa oiko jey ñandehegui prekursór.

¿Ikatúpa peteĩva pene família apytépe ojapo iprekursorádo auxiliár 1 mes térã hetave tiémpore? Oiméramo ndahaʼéi la nembaretepáva ikatu repredika sapyʼaite mimi káda día. Ha oimérõ katu saʼi ne tiémpo reime rupi koléhiope térã rembaʼapógui tódo el día, ikatu rejagarra nde auxiliár umi mes oĩháme feriádo térã oĩháme 5 fin de semána. Peteĩ kalendáriope ikatu remarka pe mes rejaposehápe nde prekursorádo auxiliár ha eprepara peteĩ orário (Pr 21:5).

EHECHA PE VIDÉO NDEPYʼAGUASÚKENA OIMÉRAMO NDE HAʼE PETEĨ PREKURSÓR, HA UPÉI ERESPONDE KOʼÃ PORANDU:

• ¿Mbaʼéichapa Jehová okuida Émmare? ¿Ha mbaʼépa ñanemboʼe ko ehémplo?