JAIKO KRISTIÁNO TEÉICHA

Ñaipytyvõkena umi ndairrelihiósoivape oikuaa hag̃ua Ijapoharépe

Oiméne katuete retopámava predikasiónpe umi persóna ndairrelihiósoivape, ¿rekyhyjépa reñemongeta hag̃ua umichaguándi? Oiméramo upéicha, nemanduʼa vaʼerã ñane ermanokuéra apytépe oĩha umi ymave ndojeroviái vaʼekue Ñandejárare térã ndorekói vaʼekue peteĩ rrelihión. Heta vése umi ndairrelihiósoiva tekotevẽnte oikuaa michĩmi jepe umi pruéva ohechaukáva Ñandejára oexistiha (Ro 1:20; 10:14).

EHECHA PE VIDÉO UMI NDOJEROVIÁIVA OÑEPYRŨKUAA OJEROVIA: UMI NDOJEROVIÁIVA ÑANDEJÁRARE, HA UPÉI ERRESPONDE KO PORANDU:

¿Mbaʼéichapa Tommaso experiénsia nepytyvõ repredikase hag̃ua umi ndahaʼéivape rrelihióso?

Rrespuésta

Mbaʼéichapa ikatu rejapo

Peteĩ persóna heʼíramo ndéve ndojeroviaiha Ñandejárare neamávlente vaʼerã hendive, eikekuaa chupe ha ehechauka reñeinteresa añeteha umi mbaʼe opensáva ha oñandúvare (2Ti 2:24). Eñemongeta hendive umi mbaʼe ogustávare chupe. Ha oĩramo dispuésto oanalisávo umi pruéva ohechaukáva oexistiha ñande Apohare, upéicharõ ikatu reipuru umi puvlikasión ha vidéo ojejapóva upearã voi.

Ñepyrũrã ningo ikatu rechuchu lénto reñemongeta hag̃ua peteĩ persóna ndojeroviáivandi Ñandejárare. Péro ani eñentrega, ejerurénte peteĩ ermáno térã ermána iñexperiensiavévape nepytyvõ hag̃ua. Nemanduʼákena, Jehová ikatu hína nepytyvõ repoko hag̃ua umi ipyʼaporãva korasõre, jepe koʼag̃aite ndogueroviáiti hína haʼe oexistiha (Hch 13:48).