6-12 DE MAYO
SALMOS 36, 37
Purahéi 87 ha ñemboʼe | Ojeʼétava oñepyrũ hag̃ua pe rreunión (1 min.)
1. “Ani rerrenega umi iñañáva káusare”
(10 min.)
Umi iñañáva káusare heta jasufri (Sl 36:1-4; w17.04 10 párr. 4).
Ñande voi jajeperhudika japytáramo ñandepyʼaro “umi iñañáva” ndive (Sl 37:1, 7, 8; w22.06 10 párr. 10).
Jajeroviáramo Jehová promésare ñandepyʼaguapýta (Sl 37:10, 11; w17.04 10 párr. 5, 6).
EÑEPORANDUMÍNA: “¿Ajepyʼapyetereípa aikóvo ahecha meme rupi umi notísia ohechaukáva mbaʼeichaitépa umi hénte iñaña?”.
2. Óro kuʼi oĩva la Bíbliape
(10 min.)
Sl 36:6. ¿Mbaʼépa oiméne heʼise raʼe pe salmísta oskrivírõ guare Jehová hustísia ojoguaha “umi montáña iporãitereívape”? (it-2-S 424).
¿Mbaʼeichagua óro kuʼípa retopa ko semánape?
3. Lektúra bíblica
(4 min.) Sl 37:1-26 (th leksión 10).
4. Ñañepyrũ hag̃ua ñañemongeta
(3 min.) JAPREDIKA OGAHÁRUPI. (lmd leksión 1 púnto 5).
5. Jajapo rrevisíta
(4 min.) JAPREDIKA OIMEHÁPE. Eofrese peteĩ kúrso bíblico peteĩ persóna ndoaseptái vaʼekuépe anteve upéva (lmd leksión 9 púnto 4).
6. Diskúrso
(5 min.) w14 15/9 22. Téma: ¿Heʼisépa Salmo 37:25 Jehová siervokuérape arakaʼeve ndofaltamoʼãiha hoʼu vaʼerã?) (th leksión 13).
Purahéi 33
7. ¿Jajepreparámapa ‘jahasa asýrõ’ g̃uarã?
(15 min.) Eanalisa ermanokuérandi.
Koʼág̃arupi pyʼỹi oiko umi desástre naturál térã sarambi umi hénte voi okausáva. Umíva káusare heta ermáno ha ermána oĩva ko yvy tuichakuére ohasa asy operdepa rupi ikosakuéra, térã omano rupi chuguikuéra peteĩ ohayhúva (Sl 9:9, 10). Ñambyasýramo jepe umi mbaʼe ‘ñanembohasa asýva’ oiko ñahaʼarõʼỹve jave. Upévare enterove ñaime vaʼerã preparádo ñambohovái porã hag̃ua koʼãichagua situasión.
Jajapóramo jepe ikatúva guive jajeprepara hag̃ua koʼág̃ama voi,a oĩ hetave mbaʼe ikatúva jajapo, ¿mbaʼépa hína umíva?
Epensa mbaʼépa ikatu ejapo oiko mboyve: Ereko vaʼerã enkuénta umi desástre oikoha eimoʼãʼỹve jave, ha reikuaáma vaʼerã mbaʼépa rejapóta. Ndovaléi avei nerakateʼỹeterei nde kosakuérare, upéva nepytyvõta redesidi porã hag̃ua, ha emotenondéta nde rekove ha nde rapichakuéra rekove nde kosakuérape rangue (Gé 19:16; Sl 36:9). Nanerakateʼỹrasáirõ nde kosakuérare nepytyvõta avei ani hag̃ua rembyasyeterei oúramo oñehundipa ndehegui umíva (Sl 37:19).
Emombarete nde jerovia: Ejerovia Jehová ikatutaha okuida nderehe ha ojaposeha voi upéva (Sl 37:18). Oiko mboyve peteĩ desástre, nemanduʼa meme vaʼerã Jehová oĩtaha nde ykére nepytyvõ ha ndegia hag̃ua, eperdepáramo jepe nde kosakuéra ha ndénte rejesalva (Sl 37:23, 24; Jer 45:5).
Jajepyʼamongeta meme vaʼerã Jehová promesakuérare, ha ñanemanduʼákena ‘ojere vaipaite jave ñandéve, haʼe oñangarekotaha ñanderehe’ (Sl 37:39).
Ehechauka pe VIDÉO ¿Reimépa preparádo oikóramo g̃uarã peteĩ desástre? Upéi eporandu:
¿Mbaʼéichapa Jehová ikatu ñanepytyvõ oiko jave peteĩ desástre?
¿Mbaʼe mbaʼépa ikatu jajapo jajeprepara hag̃ua?
¿Mbaʼéichapa ikatu ñaipytyvõ umi oafekta vaʼekuépe peteĩ desástre?
8. Estúdio bíblico kongregasionpegua
(30 min.) bt kap. 9 párr. 8-16.