29 DE SEPTIEMBRE AL 5 DE OCTUBRE
ECLESIASTÉS 3, 4
Purahéi 93 ha ñemboʼe | Ojeʼétava oñepyrũ hag̃ua pe rreunión (1 min.)
Pehasa tiémpo oñondive ha Jehovándi.
1. Pemombaretékena pene matrimónio
(10 min.)
Peñemotiémpokena peñomokyreʼỹ ha peñemongeta hag̃ua umi mbaʼe iñimportántevare (Ec 3:1; w15 15/1 26 párr. 14, 15).
Pejapo heta mbaʼe oñondive (Ec 4:9; w23.05 23 párr. 12-14).
Pejasegurákena mokõivéva pesegiha peñemoag̃uive Jehováre (Ec 4:12; w23.05 21 párr. 3).
EÑEPORANDUMÍNA: “¿Mbaʼéichapa ikatu oafekta che matrimóniope ahasáramo heta tiémpo che rembireko térã che ména reheʼỹ traváho káusare térã ajapo rupi ótra kósa?”.
2. Óro kuʼi oĩva la Bíbliape
(10 min.)
Ec 3:11. ¿Mbaʼépa ohechauka ñandéve Jehová nañandekreái hague ñamano hag̃ua? (w22.12 4 párr. 7).
¿Mbaʼeichagua óro kuʼípa retopa ko semánape?
3. Lektúra bíblica
(4 min.) Ec 4:1-16 (th leksión 2).
4. Ñañepyrũ hag̃ua ñañemongeta
(3 min.) JAPREDIKA OGAHÁRUPI. Eipuru Ñemañaha número 1 de 2025 eñepyrũ hag̃ua eñemongeta. Ekambia mbaʼérepa eñeʼẽse pe persóna ohechaukávo ointeresaha chupe ótra kósa (lmd leksión 2 púnto 5).
5. Jajapo rrevisíta
(4 min.) JAPREDIKA OIMEHÁPE. Eofrese peteĩ kúrso bíblico peteĩ persóna oheja vaʼekuépe pe Ñemañaha número 1 de 2025 (lmd leksión 9 púnto 4).
6. Diskúrso
(5 min.) lmd informasión A púnto 12. Téma: Ñandejára ihústo ha nomboykéi avavépe (th leksión 19).
Purahéi 131
7. Neprovléma jave ne matrimóniope, ejeroviákena Jehová gíare
(15 min.) Ehesaʼỹijo ermanokuérandi.
Jehová omeʼẽ entéro mbaʼe oikotevẽva umi omendávape oiko hag̃ua vyʼápe oñondive ha osẽ porã. Upéicharõ jepe umi omendáva sapyʼánte ikatu iprovléma oñondive (1Co 7:28). Noñehaʼãiramo osolusiona hikuái umi provléma, ikatu hína tuichave, ombohasa asy chupekuéra ha opensa naipohãveimaha la imatrimónio. ¿Mbaʼépa ikatu ejapo erekórõ avei peichagua provléma ne matrimóniope?
Pe vidéo ¿Mbaʼépa heʼise pe amór verdadéro? ohechauka mbaʼéichapa peteĩ paréha imitãva ohasa heta provléma ijetuʼúvare. ¿Ndépa nemanduʼa mbaʼéichapa pe túa omeʼẽ kuri konsého itajýrape ndorekói haguére enkuénta Jehovápe odesidi hag̃ua?
Ehechauka pe VIDÉO ¿Mbaʼépa heʼise pe amór verdadéro? (Vidéo mbykyvéva). Upéi eporandu:
¿Mbaʼérepa jajerovia vaʼerã Jehová gíare jareko jave provléma ñane matrimóniope? (Is 48:17; Mt 19:6).
Oiméramo tuicha ne provléma ne matrimóniope, erekókena enkuénta Jehovápe esegívo eñemboʼe, eho rreunionhápe, elee ha estudia la Biblia ha epredika. Eñehaʼãmbaite esolusiona ne provlemakuéra eipurúvo umi konsého oĩva la Bíbliape, ha eheka ñane puvlikasionkuérape umi informasión nepytyvõtava ehecha hag̃ua ne situasión Jehová ohechaháicha. Péicha ejapóramo, ehechauka hína Jehovápe eipotaha nepytyvõ ha nevendesi (Pr 10:22; Is 41:10).
Ehechauka pe VIDÉO Pe pyʼaguapy oúva ko múndogui ndahaʼéi pyʼaguapy: Darrel ha Deborah Freisinger. Upéi eporandu:
¿Mbaʼépa nde eaprende ermáno ha ermána Freisinger experiénsiagui mbaʼéichapa ikatu embohovái umi provléma ijetuʼúva ne matrimóniope?
8. Estúdio bíblico kongregasionpegua
(30 min.) lfb leksión 22, Mbaʼe rehepa oñeñeʼẽta seksión 5-pe, ha leksión 23.