Eñehaʼã eaprende hetave mbaʼe umi taʼangágui

Ñane puvlikasionkuérape oĩ hetaiterei taʼanga ñanemboʼéva heta mbaʼe iñimportánteva. Upéicharõ, ¿mbaʼéichapa nde ikatu reaprende hetave mbaʼe umi taʼangágui?

• Emaña raẽ umi taʼangáre elee mboyve la artíkulo. Umi taʼanga ningo ikatu nembokurióso ha nemomýi eleese hag̃ua pe artíkulo. Por ehémplo rehechárõ peteĩ tembiʼu ipínta porãitereíva, upéi reʼusétama voi. Upéicha avei, iporãta remaña raẽrõ umi taʼangáre ha upéi eñeporandu: “¿Mbaʼépa ahecha hína?” (Amós 7:​7, 8).

• Releévo pe artíkulo epensa avei mbaʼérepa oñemoĩ upépe pe taʼanga. Ikatu elee umi deskripsión oñemoĩva jepi pe taʼangápe g̃uarã. Epensa mbaʼéichapa pe taʼanga ojoaju la heʼívare pe párrafo térã pe artíkulope, ha ejepyʼamongeta mbaʼéichapa ikatu ideprovécho ndéve pe taʼanga.

• Releepa rire pe artíkulo ikatu emaña jey umi taʼangáre. Ikatu rejapo upéva nemanduʼa jey hag̃ua umi mbaʼe iñimportantevéva reaprende vaʼekuére. Upéi ikatu voi emboty nde resa ha eñehaʼã nemanduʼa umi mbaʼe taʼangáre ha umi mbaʼe nemboʼévare káda uno.

• Etanteamína emaña jey umi taʼanga oĩvare ko rrevístape ha eñehaʼã nemanduʼa la reaprende vaʼekuére.