¿Ojapópa umi testígo de Jehová hembiapo, peteĩ misionéro ojapoháicha?

Si. Ore testígo de Jehová roñehaʼã rokumpli ore rembiapo ojapoháicha peteĩ misionéro, upévare roho meme ore rapichakuéra rendápe romombeʼu hag̃ua chupekuéra la Biblia omboʼéva (Mateo 28:19, 20).

Oĩ heta testígo de Jehová ohóva opredika mombyry, noñemog̃uahẽihápe gueteri pe notísia porã omombeʼúva la Biblia. Ótro katu ova tetã ambuépe ikatu hag̃uáicha opredikave. Haʼekuéra ovyʼaiterei ikatu haguére okumpli Jesús heʼi vaʼekue: “Peikuaaukáta che réra [...] mombyryvehápe ko yvy tuichakuére” (Hechos 1:8).

Áño 1943-pe, oñepyrũ peteĩ eskuéla oñembokatupyry hag̃ua heta misionérope. Upe áño guive, 8.000 Testígorupi ohóma ko eskuélape, hérava Escuela Bíblica de Galaad de la Watchtower.