¿MBAʼÉPA IKATU JAJAPO OJUPIPA JAVE UMI PRÉSIO?

Ndajaperdéi vaʼerã la esperánsa

¿Nde paíspepa ojupipa hína umi présio ha nde katu ndahaʼéi la regana hetavéva? ¿Ejepyʼapýpa eñemantene hag̃ua nde ha ne famíliape? Oimérõ upéicha, katuete ejepyʼapy ha eikuaaséne mbaʼépa la oikótava amo gotyove. Péro ivai jave péicha la situasión, iñimportánte ndajaperdéi la esperánsa.

MBAʼÉREPA IÑIMPORTÁNTE

Umi orekóva esperánsa ndahaʼéi ohaʼarõnteva oiko umi mbaʼe iporãva. Haʼekuéra oñehaʼã voi ojapo la ikatúva entéro omehora hag̃ua isituasión. Por ehémplo, oĩ umi estúdio ohechaukáva umi persóna orekóva esperánsa ikatuha...

... ogueropuʼaka porãve jepi umi situasión ijetuʼúva.
... ojapo umi kámbio tekotevẽva ojadapta hag̃ua.
... odesidi porãve heta mbaʼe, upéva oipytyvõ chupekuéra hesãive ha oiko porãve hag̃ua.

MBAʼÉPA IKATU JAJAPO

Primero: Jahechakuaa mbaʼeichaitépa ñanepytyvõ la Biblia koʼág̃arupi. La Bíbliape oĩ umi konsého ideprovechoitereíva ikatúva ñanepytyvõ jagueropuʼaka hag̃ua ojupipa jave umi présio. Koʼã konsého ningo ikatu ñanepytyvõ jahechakuaa hag̃ua nañaimeiha ñaneaño, síno oĩha álgo ikatúva jajapo koʼág̃ama voi ha amo gotyove avei ág̃a ijetuʼu vove la situasión.

“Reipurukuaáta la ne akã ha upéva ndeprotehéta, rediferensiáta ivaíva ha iporãva ha upéva oñangarekóta nderehe” (Proverbios 2:11).

Segundo: Jahechakuaa mbaʼépa heʼi la Biblia la oikótavare amo gotyove. Jahechakuaáramo iporãitereiha umi konsého jatopáva la Bíbliape, jaikuaasevéta mbaʼépa heʼi umi mbaʼe oikótavare amo gotyove. Por ehémplo ñaaprendéta Ñandejára oipotaha ‘jareko esperánsa ha oipotaha ñaneraʼarõ heta mbaʼe porã’. Péro ndahaʼéi upévante, síno heʼi ñandéve mbaʼérepa ikatu jajerovia upe esperánsare (Jeremías 29:11). Upéva hína Ñandejára Rréino.

¿MBAʼÉPA ÑANDEJÁRA RRÉINO HA MBAʼÉPA OJAPÓTA?

Ñandejára Rréino haʼe hína peteĩ goviérno orekótava ipoguýpe ko yvy tuichakue (Daniel 2:44; Mateo 6:10). Upe tiémpope, ndaiporimoʼãvéima osufríva ni imboriahúva ha enterovénte oikóta pyʼaguapýpe ha orekóta opa mbaʼe oikotevẽva ovyʼa hag̃ua. Upéva ohechauka koʼã téxto bíblico:

“Reiko porãta ha revyʼáta” (Salmo 128:2).

“Ndoikomoʼãi reiete ombaʼapo pohýi” (Isaías 65:23).

“Ko yvy oprodusi porãitereíta” (Salmo 72:16).

Hetaiterei persóna oguerovia koʼã promésa, pórke ojerovia ‘Ñandejára ikatuʼỹvare ijapu’ (Tito 1:2). Ha nde avei ikatu elee koʼã mbaʼe la Bíbliape. Upe esperánsa nepytyvõta egueropuʼaka hag̃ua ivai jave la situasión ha ejerovia hag̃ua ñaneraʼarõha heta mbaʼe porã amo gotyove.