Ohundí jevýtapa Ñandejára tekove añáme?

22 Koʼág̃a tekovekuéra iñañaiterei avei. Mbaʼe ivaívapa ojapó hina koʼápe?

23 Oĩ ojukáva tekove ambuépe. Ñandejára heʼi kóva ndojejapoivaʼerãha. —Éxodo 20:13; 1 Juan 3:​11, 12

24 Oĩ katu omondáva. Ñandejára heʼi nañamondáivaʼerãha. —Éxodo 20:15; Efesios 4:28

25 Oĩ katu omendáva heta kuña rehe ha hembireko heta. Ambue katu oiko mokõi térã heta kuña ndive óga peteĩteĩme. Oĩ katu kuña ha kuimbaʼe oikóva oñondive omendaʼỹetére. Koʼã mbaʼe oñemoĩ Ñandejára ñeʼẽre. —Mateo 19:​4-6; 1 Corintios 7:​1-4; 1 Timoteo 3:​1, 2

26 Ndépa nemanduʼa Ñandejára oméʼẽ hague peteĩ tembirekónte Adán-pe?. —Génesis 2:​22, 24

27 Oĩ katu oñesupehẽva taʼangápe. Ñandejára heʼi ndojepurúivaʼerãha taʼangakuéra ñesupehẽme. —Éxodo 20:​4, 5; Isaías 44:​9-17; 1 Juan 5:21

28 Jehová ohundíta umi iñañáva, ndojevýi ramo hikuái heko vaígui. —Salmo 37:​9, 10; Lucas 13:5; 1 Corintios 6:​9, 10