Lección 15

Ñaipytyvõ ñande rapichápe ojapo hag̃ua Ñandejára voluntad

Mbaʼérepa remombeʼuvaʼerã umi mbaʼe reikuaáva rehóvo? (1)

Máva mávapepa ikatu remombeʼu umi mbaʼe porã? (2)

Mbaʼe eféctopa ikatu oguereko nde rapicháre ohechávo mbaʼéicha reiko? (2)

Arakaʼépa ikatúta resẽ repredica ne congregación ndive? (3)

1. Koʼág̃a reikuaáma heta mbaʼe porã Bíbliagui. Koʼã mbaʼe ikatuvaʼerã nepytyvõ rehupyty hag̃ua cristiano reko. (Efesios 4:22-24.) Avei, pe conocimiento reikotevẽ rehupyty hag̃ua jeikove opaʼỹva. (Juan 17:3.) Upéicha avei nde rapicha oikotevẽ ohendu pe mensaje porã oguereko hag̃ua salvación. Opavave cristiano añetéva omeʼẽvaʼerã testimonio. Ñandejára oipota ojejapo upéicha. (Romanos 10:10; 1 Corintios 9:16; 1 Timoteo 4:16.)

2. Ikatu reñepyrũ remombeʼu pe mbaʼe porã reikuaáva rehóvo umi tapichápe oĩva nde ykére. Emombeʼu nde rogayguápe, ne amigokuérape, ne irũnguéra escuelapegua ha umi nendive ombaʼapóvape. Upéva rejapovaʼerã tory ha paciencia reheve. (2 Timoteo 2:24, 25.) Nemanduʼáke tapichakuéra omañaraẽha umi jajapóva ha upéi pe jaʼévare. Upévare, nde reko potĩrõ ikatu nerendu porãve reñeʼẽ jave chupekuéra. (Mateo 5:16;  1 Pedro 3:1, 2, 16.)

3. Ha upéicha, ikatu avei rejapopa umi mbaʼe oñehaʼarõva ndehegui ha upéicha resẽkuaa repredica congregación testigo de Jehová ndive. Kóva tuicha nepytyvõta ha ndegueraháta tenonderã. (Mateo 24:14.) Revyʼaiténepa reipytyvõrõ peteĩ tapichápe oservi hag̃ua Jehovápe ha upéicha ohupyty avei jeikove opaʼỹva! (1 Tesalonicenses 2:19, 20.)