Lección 16

Nde decisión rejapo hag̃ua Ñandejára heʼíva

Mbaʼépa rejapovaʼerã oiko hag̃ua ndehegui Ñandejára amigo? (1, 2)

Mbaʼéichapa rejededicavaʼerã Ñandejárape? (1)

Arakaʼépa ikatu rejebautiza? (2)

Mbaʼéichapa ikatu reñemombarete repyta hag̃ua Ñandejára ykére? (3)

1. Oiko hag̃ua ndehegui Ñandejára amigo, reikuaa porã vaʼerã pe verdad bíblica (1 Timoteo 2:3, 4), remoĩ fe umi mbaʼe reñehekomboʼévare (Hebreos 11:6), reñembyasy umi ne rembiapo vaígui (Hechos 17:30, 31) ha rejevy nde reko ymaguarégui. (Hechos 3:19.) Upe rire mborayhu reguerekóva Ñandejárare nemomỹivaʼerã rejededica hag̃ua chupe. Upéva heʼise, reñemboʼévo neñohápe, ere Ñandejárape reñemeʼẽha chupe rejapo hag̃ua ivoluntad. (Mateo 16:24; 22:37.)

2. Restudia rire Ñandejára Ñeʼẽ ha rejededica rire chupe, rejebautizavaʼerã. (Mateo 28:19, 20.) Pe bautismo ohechauka opavavépe rejededicáma hague Jehovápe. Upévare ikatu ojebautiza umi oguerekómava edad ha ijehegui voi oserviséva Ñandejárape. Peteĩ tapicha ojebautiza vove, hete oñapymimbaitevaʼerã ýpe sapyʼami.a(Marcos 1:9, 10; Hechos 8:36.)

3. Pe dedicación rejapo rire, Jehová ohaʼarõ reiko reprometehaguéicha. (Salmo 50:14; Eclesiastés 5:4, 5.) Satanás oñehaʼãta nemboyke Jehovágui. (1 Pedro 5:8.) Nde katu reñemboʼevaʼerã Ñandejárape ha upéicha reñemoag̃uive hese. (Filipenses 4:6, 7.) Restudia meme vaʼerã Iñeʼẽ. (Salmo 1:1-3.) Rejeheʼavaʼerã congregación rehe. (Hebreos 13:17.) Rejapopárõ koʼã mbaʼe, nembaretevéta repyta hag̃ua Ñandejára ykére. Ikatúta rejapo opaite ára g̃uarã Ñandejára ojeruréva ndehegui.

[Nóta]