Ñandejára haʼe pe amigo iporãvéva ikatúva jaguereko

Ndaipóri iporãvéva Ñandejára amistádgui. Ñandejára nemboʼéta mbaʼéichapa ikatu rehupyty seguridad ha vyʼa; ndepeʼáta heta creencia oĩva hendapeʼỹgui ha vicio nembyaívagui. Ohendúta ne ñemboʼe. Omeʼẽta ndéve pyʼaguapy ha jerovia ndejehe voi (Salmo 71:5;  73:28). Ñandejára nepytyvõta rejejopy vai jave (Salmo 18:18). Avei, Ñandejára omoĩ ne renondépe pe regalo haʼéva jeikove opaʼỹva (Romanos 6:23).

Ñañemoag̃uívo Ñandejárare, ñañemoag̃ui avei Ñandejára amigokuérare. Ñandejára amigokuéra haʼéta avei ne amigo. Añetehápe, haʼéta ndéve g̃uarã hermánoicha. Torypápe nemboʼéta Ñandejáragui, nepytyvõta ha nemokyreʼỹta.

Ñande ndahaʼéi Ñandejáraicha. Jahekávo Ñandejára amistad, jahechakuaavaʼerã peteĩ mbaʼe iñimportánteva: pe amistad jaguerekóva Ñandejárandi ndahaʼéi jaguerekoháicha ñande rapichándi. Haʼe oguereko hetaiteve áño ñandehegui ha iñaranduve ha imbareteve. Haʼe añoite oguereko derecho ñanegobernávo. Upévare, jaikosérõ iñamígo ramo, ñahendu ha jajapovaʼerã pe ojeruréva ñandehegui. Jajapórõ pe Ñandejára heʼíva, katuete ojapo porãta ñanderehe opa ára (Isaías 48:18).