Peteĩ advertencia ymaguare

Jehová ndohejamoʼãi gente aña ombyai pe Paraíso. Upépe oikóta Ñandejára amigokuéra añoite. Mbaʼépa oikóta umi gente añágui? Jaikuaa hag̃ua upéva, jahechami Noé historia añetegua. Noé oikovaʼekue ojapóma heta ára. Haʼevaʼekue peteĩ kuimbaʼe hekoporãva oñehaʼãmbaitevaʼekue ojapo Jehová oipotáva. Ambue yvyporakuéra katu hekovai joaite. Upévare, Jehová heʼivaʼekue Noépe oguerutaha peteĩ ama guasu ohundipa hag̃ua opa heko vaívape. Avei ojapouka chupe peteĩ arca ani hag̃ua omano haʼe ha hogaygua ou jave pe Diluvio (Génesis 6:9-18).

Noé ha ifamília ojapovaʼekue pe arca. Noé oikuaauka ambue tapichakuérape outaha pe Diluvio. Upevére, avave nohendúi chupe; ndohejaséi umi hembiapo vai. Ojapopávo Noé pe arca, omoinge mymbakuéra ipype, ha upéi oike avei haʼe ha ifamília. Upe jave, Jehová ogueru peteĩ ára pochy tuichaitereíva. Oky cuarenta día aja, ára ha pyhare, ha pe y ojahoʼipa ko Yvy (Génesis 7:7-12).

Umi gente aña omanomba, pero opyta Noé ha ifamília. Jehová oñangareko hesekuéra Diluvio aja ha omoinge chupekuéra peteĩ Yvy potĩme teko añágui. (Génesis 7:22, 23). La Biblia heʼi og̃uahẽ jeytaha peteĩ ára Jehová ohundipataha umi ojaposeʼỹvape iporãva. Tapichakuéra hekoporãva noñehundimoʼãi. Haʼekuéra oikóta opa ára ko Yvy ape ári haʼétava peteĩ Paraíso (2 Pedro 2:5, 6, 9).

Koʼág̃a rupi, heta oĩ ojapóva umi mbaʼe vai. Ko mundo henyhẽ problémagui. Jehová omondo jey jey itestigokuérape oñemoñeʼẽ hag̃ua umi tapichápe, pero avavenunga nohenduséi Jehová ñeʼẽ. Ndojevyséi heko tujágui ha ndoipotái Ñandejára heʼi chupekuéra iporãva térã ivaíva. Mbaʼépa ojehúta umichaguápe? Ikatúnepa ojevy heko tujágui? Heta umichagua ndojevymoʼãi arakaʼeve. Hiʼag̃uíma pe ára oñehundiete hag̃ua umi yvypóra aña (Salmo 92:7).

Ko Yvy noñehundimoʼãi; oikóta chugui peteĩ paraíso. Oikóvagui Ñandejára amigo opytáta opa ára ko Yvy ape ári, Paraísope (Salmo 37:29).