Marandu Reino rehegua núm. 36

Milenio pyahu ¿Mbaʼépa oguereko ñanembaʼerã?

Milenio pyahu ¿Koʼẽju peteĩ ára pyahúpe?

31 de diciembre de 1999 pyhare mbytépe opa siglo 20.a Ko siglo ohasávape oiko heta guyryry. Iñepyrũme ojehecha avei heta arandu ipyahúva, ojejapo pohãita pyahu iporãitereíva, opárupi isarambi marandu, ha heta tetã pyaʼe iñakã puʼã opáichagua mbaʼe pyahúpe. Heta oĩ upévare oguerohorýva milenio pyahu, ohaʼarõgui oguerutaha mbaʼe porã ha mbaʼe pyahu. ¿Ohechánepa ko milenio oñepyruva opaha tetãnguéra ñorairõ, mboriahu, ko ñande yvy apuʼa ñemongyʼa, ha mbaʼasy?

Heta oĩ oimoʼãva upéichataha. ¿Ikatútapa añetehápe ko milenio oikéva ogueru mbaʼe pyahu omeʼẽtava mbaʼe porã, ñangareko ha kyhyjeʼỹ ndéve ha nde rogayguápe g̃uarã? Ehechamína mbovymínte mbaʼeichaitépa ijetuʼu umi mbaʼe vai oikóvahína koʼág̃a.

Yvy Apuʼa Ñemongyʼa

“Umi tetãnguéra imbaʼapoha tuicháva “ombyai ohóvo ñande jere, omongyʼa vai ñande yvy ape ha ñande yvytu opárupi, ha ombyaihína ko jaikoha”, Upéichante ojapo memérõ, “koʼýte oñembyaivéta ko ñande rekoha”. -“Blobal Environment Outlook-2000”, Naciones Unidas Apopyrã Ñande Rekoha Rehegua.

Mbaʼasy

“Oñehaʼarõ año 2020pe g̃uarã umi tenda imboriahuvévape, 10 ñemanógui 7 omanóta mbaʼasy ovaʼỹvagui. Koʼág̃aite upéva neʼĩra ni oñemombyte. -“The Global Burden of Disease.” Harvard Universidad Apopyre, 1996.

“Oĩ umi oikuaaporãva heʼíva “año 2010pe g̃uarã, umi 23 tetã hetaitereivehápe SIDA, imbovyvéta 66 millones yvypóra.”- “Comfronting AIDS: Evidence From the Developing World,” peteĩ marandu Comision Europea ha Banco Mundialgui.

Mboriahu

“Haimete 1.300 millones yvypóra ndohupytýi 3.500 Guaraníes cada koʼẽ oiko hag̃ua, ha haimete 1.000 millones ndaikatúi ohupyty oikotẽve kuetéva hiʼupyrã.”- “Human Development Report 1999,” Naciones Unidas Programa Akãrapuʼãrã.

Tetãnguéra Ñorairõ

“Ñorairõ tetãnguéra oñondive ikatu hetaitereive ohóvo oikoʼỹháicha gueteri koʼág̃a peve. Umi ñorairõ oiko ndojoayhuihaguére raza, térã tribu, ỹrõ religión kuére. Ko siglo oñepyrũvape ñorairõ umivakuére pyʼỹive oikóta ohóvo, ha upévare hetaiterei ñande rapicha ojejukáta cada ary.” -“New World Coming: American Security in the 21st Century,” - Estado Unidogua Comision Tetã Ñangarekorã/Siglo 21.

Pe vyʼa ha akãraku milenio pyahúre, oñomíntehína ipyʼỹivetaha gueteri ohóvo ko ñande rekoha jere ñemonguyʼa, mbaʼasy, mboriahu,ha tetãnguéra ñorairõ. Koʼã mbaʼe vai rapópe oĩ taryrýi pirapirere, jeroviaʼỹ tapicháre ha takateʼỹvai. -Umi mbaʼe vai ndaikatúi ojepeʼa yvypóragui ciencia arandu rupi, tecnología, térã política rupi.

Peteĩ milenio oguerútava mbaʼe porã yvypórape

Peteĩ kuimbaʼe yma ohaivaʼekue: “Aikuaa yvypóra ndahaʼeiha hekove jára, ndoikuaaiha mbaʼépa oikóta chugui.”(Jer.10:23) Yvypóra ndaikatúi haʼeñónte oñesambyhy, ha ndojejapóivaʼekue oisambyhy hag̃ua ko yvy. Ñande apohare añoite, Jehová, oikuaa ha ikatu omyatyrõ yvypóra problema kuéra.- Romanos 11:​33-36; Revelación 4:11.

Ha upéicharõ, ¿arakaʼépa, ha mbaʼéicha ojapóta haʼe upéva?. Hetaiterei mbaʼe oikohína ohechaukáva opátamaha ko “ára paha”. Eipeʼamína nde Biblia ha emoñeʼẽ 2 Timoteo 3:​1-5. Upépe Omohesakã porã mbaʼéichapa hetave tapichakuéra oikotahína upe “ára pohýi”aja. Mateo 24:​3-14 ha Lucas 21: 10, 11 avei ohechauka mbaʼépa oikovaʼerã “ára paha”aja. Ohechauka umi mbaʼe jahechavahína 1914 guive: Tetãnguéra ñorairõ guasu, mbaʼasy oparupi, ha oparupi ipokã hiʼupyrã.

Koʼẽrõitéma opáta ko “ára paha”. Daniel 2:44 heʼi: “Oisambyhy aja umi mburuvichakuéra, Ñandejára yvágapegua omopuʼãta peteĩ Reino noñehundi moʼãiva arakaʼeve. Ha upe Reino ndoʼamoʼãi avavéichagua tetã ambue poguýpe. Omonguʼíta uvei ambue reinokuéra ha haʼe opytáta opaite ára guarã”(NM). Ha upéicha, ojeʼéma kuri Ñandejára omoĩtaha peteĩ Reino, peteĩ gobierno, oisambyhy hag̃ua ko yvy. Revelacion 20:4 heʼiháicha, ko Reino oisambyhýta 1.000 años. Peteĩ milenio! Ehechamína mbaʼeichaitépa iporãvéta yvypóra rekove upe milenio porãite aja.

Ñande Economía Rehegua: “Opavave ojogapóta ha oikóta imbaʼe teépe, oñotỹta parralty ha hoʼúta hiʼa.  Ndaipórimoʼãi peteĩ ojogapóva ha ambue pype oikóva, térã peteĩ oñemitỹva ha ambue chugui hoʼúva”.- Isaias 65: 21, 22.

Tesãi Rehegua: “Upe ramo umi ohechaʼỹva ohecháta, ha umi ohenduʼỹva ohendúta, Upe ramo ijapáva, guasúicha oñaníta ha iñeʼengúva vyʼágui osapukáita.” “Avave ndeʼi moʼãi: ‘Che rasy hína.’”- Isaías 33:24; 35:5,6.

Ñande Rekoha Jere: “Rehundíta umi yvy ohundívape”.- Revelación 11:18.

Tapichakuéra Ojogueraha Háicha: “Ndaipóri moʼãi ñembyai térã sarambikue che yvyty marangatúpe, henyhẽtagui pe tetã Ñandejárape oikuaávagui”.- Isaías 11:9.

Hetaiterei yvypóra ojerovia pe Biblia heʼívare, ha upéicha ohupyty pyʼaguapy ha ojerovia henonderãre. Upévare ikatupyryve ombohovái hag̃ua ipohýi ha ivaíva jahasáva ñanderekovépe. ¿Mbaʼéichapa ikatu rejapo Ñandejára Ñeʼẽgui peteĩ pytyvõha mbarete nde rekovépe?

¡Arandu ohupytykáva jeikove opaʼỹva!

Pe ciencia ha tecnología ikatu sapyʼánte iporãiterei ha ñande pyʼareraha. Upeichavére, pe mboʼepy omeʼẽva yvypórape hetavépe nomeʼẽi vyʼapavẽ ha pyʼa guapy. Pe Biblia, Juan 17:3 pe heʼi ñandéve máva arandu añoitépa ikatu omeʼẽ ñandéve umíva. Heʼi kóicha: “Ha upe jeikove opaʼỹva niko kóva: Ta nde kuaa ndéve Tupã añete ha peteĩetéva, ha Jesucrístope, upe nde rembou vaekuépe”.

Ko kuaapy jatopa Ñandejára Ñeʼẽme. Oĩrõ jepe heta oñeʼẽ vaíva Ñandejára Ñeʼẽre, ndahetái oĩ ohesaʼỹijóva Biblia ijeheguiete. ¿Ndépa mbaʼe ere? Ñandejára Ñeʼẽ ñamoñeʼẽ hag̃ua ñañehaʼãmantevaʼerã. Upéva ndahaʼéi ñehaʼãrei. Biblia añoite haʼe “Kuatiañeʼẽ Marangatu oikopa vaʼekue Tupã Ñandejára remimoĩuka rupi, oporomboʼe ha oporomomarandu haguã, oporomuatyrõ ha oporohekomboʼe haguã pe hekopeteguáva rehe.” - 2 Timoteo 3: 16 (Versión Popular).

Ha upéicharõ, ¿mbaʼéichapa ikatu reñepyrũ reikuaa porãve Ñandejára Ñeʼẽ? ¿Mbaʼéguipiko nderehejái Testigo de Jehovákuéra ne pytyvõ? Haʼekuéra hetaitereípe omboʼehína hogaitépe hepy meʼẽʼỹre. Oporopytyvõ hag̃ua oiporu hikuái heta Bibliaguigua kuatiañeʼẽ. Peteĩ haʼe “Mbaʼépa Ojerure Ñandejára Ñandehegui”. Upéva omohesakã porã heta porandu nde ikatúva reguereko Biblia rehegua. Ikatu haʼe koʼãva: ¿Mávapa Ñandejára? ¿Mbaʼépa ojapóta Ñandejára ko yvýgui? ¿Mbaʼépa heʼise Ñandejára Reino? ¿Mbaʼéichapa ikatu Ñandejára Ñeʼẽ omoporãve nde rekove nde rogayguakuéra ndive?

Reipotáramo peteĩ Testigo de Jehová og̃uahẽ nde rógape ikatu remyenyhẽ jehaipyrã oĩva yvýgotyove. Haʼekuéra ovyʼáta oikuaaukaverõ ndéve upe Gobierno Milenario ijojahaʼỹva Ñandejára Sambyhy reheguágui.

□ Hiʼã pembouka chéve kuatia ñeʼẽ hérava “Mbaʼépa Ojerure Ñandejára Ñandehegui”. Emoĩ ápe mbaʼẽ ñeʼẽmepa reipota

□ Peikuaaukamína chéve estudio bíblico rehegua.

[Nóta]