Ehémplo porã: Pe viúda mboriahumi

Peteĩ díape, Jesús oguapy hína pe témplope ha ohecha mbaʼéichapa umi irríkova omeʼẽ ikontrivusión. Péro umi henteita apytépe, ohecha peteĩ viúda mboriahumi omoĩha “mokõi monedaʼi” saʼieterei ovaléva (Lucas 21:2). Jesús oguerohoryeterei upe ojapo vaʼekue ko kuñakarai, ¿mbaʼérepa? Pórke umi ótro “omeʼẽ hembývante chupekuéra, pe viúda katu imboriahúramo jepe, omeʼẽmbaite la oreko vaʼekue” (Marcos 12:44).

¿Rejapónepa avei pe viúda ojapo vaʼekue? ¿Reipurusépa ne tiémpo ha nde pláta reservi hag̃ua Ñandejárape? Pe viúda ojapo haguéicha, nde avei ikatu reipytyvõ oñemantene hag̃ua umi lugár ojeadorahápe Ñandejárape. Ikatu avei reipuru nde pláta ha ne tiémpo reipytyvõ hag̃ua umi héntepe oikuaave hag̃ua Jehovápe. Pe viúda omeʼẽramo jepe saʼieterei la ikontrivusión, Jehová ohecha upéva ha omombaʼeterei. Ha nde avei rehechaukáramo iñimportanteveha ndéve g̃uarã rejapo Ñandejára volunta, haʼe omombaʼetereíta upéva ha katuete nepytyvõta (Mateo 6:33).