PÁRTE 9

¿Arakaʼe piko oikóta peteĩ paraíso ko yvýgui?

Umi provléma koʼag̃agua ohechauka Ñandejára Rréino koʼẽrõitéma ogovernataha. Lucas 21:10, 11; 2 Timoteo 3:1-5

Provléma oĩva umi ára pahápe: oĩ oapostáva, oĩ gérra, mbaʼasy, ñembyahýi, naiñeʼẽrendúiva ituakuérape ha omaltratáva ifamília

La Bíbliape oĩ profesía omombeʼúva heta mbaʼe oikóva koʼág̃a. Por ehémplo heʼi mitãnguéra naiñeʼẽrendumoʼãiha ituakuérape, umi hénte iplatarayhutaha, isalváheta ha ojapotaha chupekuéra ogustávante.

Heʼi oikotaha yvyryrýi tuicháva, gérra, oĩtaha ñembyahýi ha opaichagua mbaʼasy. Koʼã mbaʼe jahecha oñekumpliha koʼág̃a.

Peteĩ Testígo de Jehová opredika umi notísia porã peteĩ karaípe

Jesús heʼi avei umi notísia porã oñeʼẽva Ñandejára Rréinore oñemombeʼutaha oparupiete ko yvy ape ári (Mateo 24:14).

Ñandejára Rréino oipeʼapaitéta umi mbaʼe vai oĩva ko múndope. 2 Pedro 3:13

Jehová koʼẽrõite ohundíta enterove umi iñañávape.

Umi iñañáva oñehundi Armagedónpe, upéi Satanás ha idemoniokuérape ojekastiga

Satanás ha idemoniokuérape ojekastigáta.

Jesús oguapy itrónope yvágape, ha umi hénte oparupigua ovyʼa joa

Umi hénte ohendúva Ñandejárape ojesalváta ha oikóta peteĩ múndo pyahúpe oĩtahápe hustísia. Upépe ndaiporimoʼãvéima okyhyjéva, umi hénte ojeroviáta ojuehe ha entéronte ojoayhúta.