¿Mbaʼéichapa ikatu revyʼa ne famíliandi?

MBAʼÉPA HEʼI LA BIBLIA

‘Umi ohendúva Ñandejára ñeʼẽ ha ojapóva, umíva la ovyʼáva’ (Lucas 11:28, Ñandejára Ñeʼẽ La Biblia Traducción del Nuevo Mundo).

MBAʼÉICHAPA UPÉVA OU PORÃTA NDÉVE

Pejoayhu añetéta (Efesios 5:28, 29).

Pejorrespetavéta (Efesios 5:33).

Pejeroviavéta ojuehe (Marcos 10:6-9).

¿IKATÚPA JAGUEROVIA LA BIBLIA HEʼÍVA?

Si, jahechamína mbaʼérepa:

• Ñandejára omoñepyrũ vaʼekue pe família. La Biblia heʼi Ñandejára Jehová rupive oexistiha entéro família (Efesios 3:14, 15). Upéva heʼise umi família oĩha Jehová oipota rupi. ¿Mbaʼérepa upéva iñimportánte?

  Epensamína: ñamoĩ chupe nde reʼuha peteĩ tembiʼu hetereíva ha reaprendeseha mbaʼéichapa ojeprepara, ¿mávapepa reporandúta? Katuete reporandúta upe oprepara vaʼekuépe.

  Upéicha avei reikuaaséramo mbaʼéichapa ikatu reiko vyʼápe ne famíliandi, rehecha vaʼerã mbaʼépa heʼi Jehová, pe família Apohare (Génesis 2:18-24).

• Ñandejára ojepyʼapy nderehe. Umi família ojapo porã osegíramo Jehová konsého oĩva la Bíbliape. ¿Mbaʼérepa? Pórke haʼe ojepyʼapy ñanderehe (1 Pedro 5:6, 7). Jehová oipotaiterei umi família osẽ porã ha ikonsého katuete ñanepytyvõ (Proverbios 3:5, 6; Isaías 48:17, 18).