LEKSIÓN 3
Rahab ojerovia vaʼekue Jehováre
Koʼág̃a jahechamíta mbaʼépa oiko vaʼekue peteĩ siuda héravape Jericó. Ko siuda opyta vaʼekue Canaánpe, ha umi hénte upepegua ndojeroviái Jehováre. Jericópe oiko vaʼekue peteĩ kuña hérava Rahab.
Rahab haʼérõ guare peteĩ mitãkuñaʼi, oñemombeʼu chupe mbaʼéichapa Moisés onohẽ umi isrraelítape Egíptogui ha odividi mar Rojo. Ohendu avei Jehová oipytyvõ hague chupekuéra ogana hag̃ua heta gérra. Koʼág̃a katu Rahábpe oñemombeʼu umi isrraelíta ouha opyta Jericó ypýpe.
Rahab ojerovia rupi Jehováre omokañy umi isrraelítape
Peteĩ pyharépe mokõi isrraelíta ou Jericópe okontrola hag̃ua ñemiháme pe lugár. Koʼãvape oñehenói espía. Haʼekuéra oho Rahab rógape, ha haʼe oinvita chupekuéra opyta hag̃ua upépe. Upe pyharépe pe rréi Jericogua oikuaa pe siudápe oĩha mokõi espía ha oho hague Rahab rógape. Upémarõ pe rréi omondo una partída kuimbaʼe oheka hag̃ua chupekuéra. Péro Rahab omokañy mokõive isrraelítape. Upéi heʼi umi ótro kuimbaʼépe: “Umi kuimbaʼe oĩ kuri ápe péro koʼág̃a oho jeýma. Koʼag̃aite pesẽramo pehupytýta chupekuéra”. ¿Reikuaápa mbaʼére Rahab omokañy umi espíape?... Ojeroviágui Jehová rehe ha oikuaa rupi omeʼẽtaha pe lugár hérava Canaán umi isrraelítape.
Umi espía oho mboyve, opromete Rahábpe haʼe ha ihentekuéra ojesalvataha Jericó oñehundi vove. ¿Ndépa reikuaa mbaʼépa ojapo vaʼerã upearã?... Haʼekuéra heʼi: “Naʼápe ko sínta pytã, emosaingo ne ventánare. Péicha nde ha entéro oĩva nendive nde rógape pejesalváta”. Rahab ojapo ojeʼe hagueichaite chupe. ¿Reikuaápa mbaʼépa oiko upéi?...
Jehová osalva Rahab ha ihentekuérape
Unos kuánto día rire umi isrraelíta oguata pe siuda jerére, mbaʼevete ndeʼíri hikuái. Seis día aja oguata hikuái una vuélta pe siuda jerére. Péro pe día sietehápe umi isrraelíta ojere pe siudáre siete vése. Upéi enterovéva osapukái hatãiterei. Upévo Jehová oitypa umi murálla omongoráva pe siuda. Péro pe óga orekóva sínta pytã iventánare ndoʼái. ¿Rehechápa ko divúhope?... Péicha ojesalva Rahab ha ihentekuéra.
¿Mbaʼépa nemboʼe Rahab ojapo vaʼekue?... Haʼe ojerovia Jehováre ohendúgui hetaite mbaʼe porã ojapo vaʼekue. Nde avei reikuaáma heta mbaʼe iporãitereíva Jehovágui. ¿Rejeroviápa hese Rahab ojerovia haguéicha?... Katuete rejerovia.