Eipuru vaʼerã umi informasión reikuaa porãva siertoha

Lucas 1:3

MBAʼÉPA HEʼISE: Ehecha vaʼerã siértopa umi informasión reipurútava, upéicha reipytyvõ porãvéta umi nerendúvape oguerovia hag̃ua umi mbaʼe remboʼéva.

MBAʼÉICHAPA IKATU REJAPO

• Eñatende vaʼerã moõguipa renohẽ umi informasión reipurútava. Opa mbaʼe eréva oñemopyenda vaʼerã la Bíbliape, ha ikatúma guive siémpre relee vaʼerã chugui. Eipurútaramo umi sientífiko heʼíva, peteĩ notísia, peteĩ experiénsia térã oimehaichagua informasión, ejasegura vaʼerã ikatúpa jajerovia hese.

• Eipurukuaa vaʼerã umi informasión. Eexplikávo peteĩ téxto, ereko enkuénta la ñanemboʼeséva Jehová pe versíkulope, ha mbaʼépa heʼive la Biblia upe témare. Umi mbaʼe eréva ndojoavýi vaʼerã avei pe “esklávo de konfiánsa ha iñarandúva” heʼívandi (Mat. 24:45). Ha eipurúrõ informasión ndahaʼéiva ñane puvlikasionpegua, errespeta vaʼerã la heʼíva térã heʼiséva pe oskrivi vaʼekue.

• Emopensa vaʼerã umi nerendúvape. Elee rire peteĩ téxto térã emensiona rire peteĩ informasión, epensa mbaʼépa opyta porãvéta eporandu umi nerendúvape, térã mbaʼe ehémplopa ikatu eipuru haʼekueraite voi opilla hag̃ua umi mbaʼe remboʼeséva.