ÑAÑEPYRŨ HAG̃UA ÑAÑEMONGETA
LEKSIÓN 5
Eikekuaa vaʼerã
Téxto bíblico: “Umi mbaʼe pejéva siémpre iporã ha ijuky vaʼerã” (Col. 4:6).
¿Mbaʼépa ojapo vaʼekue Pablo?
1. Ehecha pe VIDÉO, térã elee Hechos 17:22, 23. Upe rire erresponde koʼã porandu:
¿Mbaʼéichapa Pablo oñeñandu ohechárõ guare umi dios guaʼu ojeadoráva Aténaspe? (Ehecha Hechos 17:16).
Heʼi rangue derécho guasu oĩ vaiha la ojapóva hikuái, ¿mbaʼéichapa Pablo oikekuaa chupekuéra ohenduse hag̃uáicha umi notísia porã?
¿Mbaʼépa ñaaprende Páblogui?
2. Umi hénte ñanerendusevéta jahechaukáramo jarrespetaha chupekuéra. Ñapensa porã vaʼerã mbaʼépa jaʼéta, mbaʼéichapa jaʼéta ha mbaʼe moméntopepa opyta porãvéta jaʼéramo.
Jasegíkena Pablo ehémplo
3. Ñakambiaʼimi umi palávra tekotevẽramo. Jareko vaʼerã enkuénta umi ñanerendúva situasión. Por ehémplo, algúno ndojeroviái Jesús rehe ni Ñandejára Ñeʼẽre. Upéicha jave jaʼe rangue umi palávra la Biblia térã Jesús, iporãvéta ñakambiaʼimi ikatu hag̃uáicha oñentende ha ani oñeofende umi hénte.
4. Ani pyaʼeterei jakorrehise pe persónape heʼíramo álgo noĩporãiva. Jaheja vaʼerã chupe tomombeʼu trankílamente la opensáva. Heʼíramo álgo ndohóiva la Biblia omboʼévare jajejokónte ha ani pyaʼe jakorrehise chupe (Sant. 1:19). Jajapysaka porãramo hese ikatúta jaikuaa mbaʼépa oguerovia ha ñantendéta mbaʼérepa opensa upéicha (Prov. 20:5).
5. Epensa álgo iporãva ikatúvare eguerohory térã emokyreʼỹ chupe. Pe persóna oiméne oĩ segúro umi mbaʼe ogueroviáva oĩ porãha. Upévare eñehaʼã etopa álgo lodovéa peimeháme de akuérdo, ha mbeguekatúpe eipytyvõ chupe ontende hag̃ua la Biblia omboʼéva.