Ndepyʼaguasu vaʼerã

¿Mbaʼépa ojapo vaʼekue Jesús?

VIDÉO: Jesús oñemoñeʼẽ pe governánte irríko ha imitãvape

1. Ehecha pe VIDÉO, térã elee Marcos 10:17-22. Upe rire erresponde koʼã porandu:

1. ¿Mbaʼe kualida iporãvapa ohecháne raʼe Jesús pe mitãkariaʼýre?

2. ¿Mbaʼérepa Jesús tekotevẽ kuri ohayhu ha ipyʼaguasu oakonseha hag̃ua pe mitãkariaʼýpe?

¿Mbaʼépa ñaaprende Jesúsgui?

2. Iñimportánte jahechauka jahayhuha ñane estudiántepe, péro tekotevẽ avei ñanesinséro ha jaexplika porã chupe mbaʼépa tekotevẽ ojapo oprogresa hag̃ua.

Jasegíkena Jesús ehémplo

3. Eipytyvõ ne estudiántepe omoĩ hag̃ua méta ha ohupyty hag̃ua umíva.

1. Eipuru pe párte hérava “Méta” oĩva káda leksiónpe ñane erramiénta de estúdiope, ¡Jaikóta vyʼápe pára siémpre!

2. Eipytyvõ ne estudiántepe ontende hag̃ua mbaʼépa ojapo vaʼerã ohupyty hag̃ua umi méta isensillovéva ha umi méta amo gotyove g̃uarã.

3. Ejepokuaa emokyreʼỹ siémpre ne estudiántepe umi mbaʼe porã ojapóvare.

4. Eikuaa vaʼerã mbaʼépa ojoko ne estudiántepe oprogresa hag̃ua ha eipytyvõ chupe osupera hag̃ua umíva.

1. Eñeporandu koʼã mbaʼe:

   • “Che estudiánte ndojedesidíriramo ojevautisa, ¿mbaʼépa ojoko hína chupe?”.

   • “¿Mbaʼépa che ikatu ajapo aipytyvõ hag̃ua chupe?”.

2. Ejerure ajúda Jehovápe, haʼe nembopyʼaguasúta ere hag̃ua ne estudiántepe mbaʼépa tekotevẽ ojapo. Nepytyvõta avei eikekuaa hag̃ua chupe ha pono ojagarra vai la eréva.

5. Ndojapóiramo mbaʼeveichagua kámbio térã ndoprogresáiramo, anivéntema estudia hendive.

1. Ikatu eñeporandu koʼã mbaʼe eikuaa hag̃ua oho porãpa hína hese ne estudiánte:

   • “¿Ojapópa umi mbaʼe oaprendéva la Bíbliagui?”.

   • “¿Oúpa rreunionhápe ha omombeʼúpa ótrope umi mbaʼe oaprendéva?”.

   • “Oiméramo ostudia heta tiémporema, ¿heʼímapa oserviseha kómo testígo de Jehová?”.

2. Ne estudiánte ndoprogresáiramo ikatu ejapo koʼã mbaʼe:

   • Erekuaa chupe topensa mbaʼépa la ojokóva chupe ojedesidi hag̃ua.

   • Avuéna porãnte eexplika chupe mbaʼérepa ndaikatumoʼãvéima pestudia.

   • Ere chupe mbaʼépa tekotevẽ ojapo amo gotyove ostudiase jeýramo.