¿Iporãvétapa ehejáramo ótra vueltarã?

Oĩ persóna isinsérava ha oporandúva jepi ñandéve álgo térã heʼíva ndogustaiha chupe algúna kósa jagueroviáva. Péicha jave nañaneprovlémai jasegi hag̃ua ñañemongeta hendive. Ñande ñañemongetase “enterove umi ipyʼaporãva” ndive ohupyty hag̃ua jeikove opaveʼỹva (Hech. 13:48).

Péro, ¿mbaʼépa jajapóta pe persóna ijarhél, ojodiskutisénte ha noñemongetaséiramo? Pyʼaguapýpe ha avuéna porãnte jajerretira vaʼerã (Prov. 17:14). Ñañehaʼã vaʼerã ñaneamávle ha jahechauka jarrespetaha chupe, péicha ikatu ótra oportunidápe ohenduse umi notísia porã (1 Ped. 2:12).