2 NOÉ
Haʼe “ohechauka ko múndo omereseha ojekastiga”
OHASA rire un tiémpo Enoc omano hague, unos kuánto ánhel opuʼã Ñandejárare. Haʼekuéra ou iñakãraku vai umi kuña oĩvare ko yvy ape ári, upévare oñembohete kuimbaʼéicha ha ou ojagarra hembirekorã umi ogustáva guive chupekuéra. Upéi umi kuña hyeguasu péro la imembykuéra ndahaʼéi vaʼekue umi ótro mitãicha. Haʼekuéra haʼe vaʼekue higánte iñañaitereíva, oñehenói voi chupekuéra nefilim. Koʼã mbaʼe oiko haguére, umi hénte upe tiempopegua koʼytevéntema iñaña. Upérõ Ñandejára ohecha hína kuri la oikóva ha oñembyasyeterei pórke umi hénte oñembyaipaite. Péro oĩ vaʼekue peteĩ kuimbaʼe idiferentetéva. Haʼe héra Noé, Enoc familiare.
Jaikuaaháicha, Enoc ihústo vaʼekue ha upeichaite vaʼekue avei Noé. La Biblia heʼi voi hese haʼe oiko hague “Ñandejára tee oipotaháicha”. Tiémpo rire, Noé omenda ha hembirekóndi omboʼe umi mbohapy ifamíliape iñeʼẽrendu hag̃ua avei Jehovápe. Upévare Noé ha ifamiliakuéra idiferentete vaʼekue umi ótrogui.
Peteĩ día Jehová oñeʼẽ Noépe heʼi hag̃ua chupe ohundipaitetaha entéro umi hénte aña oĩva ko yvy ape ári. Péro noñeʼẽi chupe upearãnte, síno omeʼẽ avei chupe esperánsa. Jehová heʼi Noépe ojapo hag̃ua peteĩ árka tuichaitereíva, péicha ikatúta oĩ ojesalváva. Haʼe heʼi avei omboutaha peteĩ ama guasu, peteĩ dilúvio voi. Noé ndohecháiva ni nohendúiva oikóma hague umícha mbaʼe ha núnka ndojapóiva avei peteĩ mbaʼe peichaite tuicháva. ¡Ijetuʼu la iñasignasión! Upéicharõ jepe, Noé ojerovia Jehováre ha omoñepyrũma la traváho.
Noé ha ifamiliakuéra kontrariokuéra iñañaiterei ha nohenduséi vaʼekue chupekuéra ha ojokose itravahokuéra
Noé ha ifamiliakuéra ipyʼaguasúmante vaʼerã kuri ojapo hag̃ua pe árka. Katuete oĩne raʼe la oñembohorýva hesekuéra ha ojokoséva la itravahokuéra. Upe tiémpope oĩ kuri umi ánhel oguejy vaʼekue yvágagui. Koʼãva ipoderóso ha ojekyhyjepáne raʼe chuguikuéra, ha ifamiliakuéra katu iñañaitereínte avei. Upéicharõ jepe Noé, hembireko, itaʼyrakuéra ha inuerakuéra osegi iñeʼẽrendu Jehovápe. Heta áñore, amo 50 áñorupi voi, koʼã 8 persóna ombaʼapo jejopy ojapopa hag̃ua pe árka.
Osegi aja ombaʼapo hikuái pe árkare, Noé oreko avei kuri ótro tembiapo. La Biblia heʼi voi Noé ‘opredika hague umi mbaʼe ihústova’. Noé omoakã rupi ifamíliape, haʼe voi omoĩ la ehémplo ha oavisa umi héntepe umi mbaʼe oikótava amo gotyove. Péro umi hénte ndoikuaaséi mbaʼeve, ni Noé hentekuéra posívlemente. Haʼekuéra ndohejaséi vaʼekue umi mbaʼe vai ojapóva oikóvo. Péro Noé ojerovia mbarete rupi, idiferentete umi héntegui. Ndareíri voi la Biblia heʼi raʼe hese: “Péicha ojerovia rupi ohechauka ko múndo omereseha ojekastiga”.
¡Hasypeve pe árka oĩmba! Koʼág̃a Noé ha ifamiliakuéra oñepyrũ vaʼerã omoinge pe árkape entéro mbaʼe oikotevẽtava haʼekuéra ha umi animalkuéra, tahaʼe tembiʼu, y ha hetave mbaʼe. ¡Upéi oiko peteĩ mbaʼe osorprendéva chupekuéra! Ohecha hikuái entéro kláse animál, tahaʼe mácho térã kuñáva, ouha hína oike hag̃ua pe árkape. Koʼã animál ijeheguiete ou “oike pe árkape Noé ndive de 2 en 2”.
Siete día oky mboyve, Jehová heʼíma Noépe oike hag̃ua pe árkape ifamiliakuérandi. ¡Ñañeimahinamíntena la oiko vaʼekue upérõ! Noé ha ifamiliakuéra oiméne apúrope orrevisapa raʼe orekopámapa la oikotevẽtava ha upéi oikéma pe árkape. Upépe ae la opukáne raʼe hesekuéra umi hénte. Noé umíva orekopa rire la oikotevẽva ha oike pe árkape, Jehovaite voi omboty la okẽ. Péva ojurumbotýne raʼe umi opuka vaʼekuépe hesekuéra. Upéi katu oñepyrũma la ama ha oky charara voi, oho hese péicha 40 díare. Upéi umi montañakuéra entéroma opytapa y guýpe. Péicha Jehová ohundipaite kuri entéro umi iñañávape.
Mas o ménos un áñore Noé ha ifamiliakuéra oiko kuri trankílo ha segúro porã pe árkape. Upe aja pe y oguejy mbeguekatu ohóvo. Upéi, hasypeve pe árka opyta umi montáña Ararat ári ha Jehová heʼi Noépe ikatumaha osẽ hikuái. Osẽre pe árkagui, haʼekuéra ojapo peteĩ sakrifísio oagradese hag̃ua Jehovápe osalva haguére chupekuéra. Upéi Jehová heʼi arakaʼeve nomboumoʼãveimaha peteĩ dilúvio peichagua. Ha ogarantisa hag̃ua siertoha la heʼíva, omoĩ voi peteĩ señál pe yvágare, haʼéva pe árko íris.
Enterove persóna oĩva koʼág̃a ko yvy ape ári ou Noé familiarégui. Upévare javyʼa ha jaagradeseterei chupekuéra, ipyʼaguasu ha oñehaʼãmbaite haguére idiferénte hag̃ua umi hénte añágui.
¿Moõpa oñeñeʼẽ hese la Bíbliape?
¿Mbaʼépa ere chupe?
¿Mbaʼérepa jaʼekuaa Noé ipyʼaguasu hague?
Einvestigamína
1. ¿Mbaʼéichapa rakaʼe umi hénte pe dilúvio mboyve? (w02 1/3 5, 6-wcgr).
2. ¿Arakaʼépa Ñandejára heʼi raʼe Noépe ojapo hag̃ua pe árka? ¿Ha arakaʼépa heʼi chupe oñepyrũtamaha pe dilúvio? (w12 15/4 23 párr. 5-8).
3. ¿Mbaʼérepa ikatu jaʼe pe dilúvio añetehápe oiko hague? (ijwbq artíkulo 156 párr. 2-5, rrekuádro-wcgr). A
Historic Collection/Alamy Stock Photo
Taʼanga A: Peteĩ lejénda hindú heʼi peteĩ kuimbaʼe ojapo hague peteĩ várko ojesalva hag̃ua peteĩ dilúviogui. Opa rire pe ama, haʼe ojapo peteĩ sakrifísio ha oiko chugui entéro persóna ypykue
4. ¿Mbaʼépa oiko vaʼekue ohasa rire mas de 100 áño ou hague pe dilúvio? ¿Mbaʼéichapa upéva oime vaʼerã oafekta raʼe Noépe? (it “Noé” Núm. 1 párr. 12-wcgr). B
Taʼanga B
Ejepyʼamongetamína ndejehe
¿Mbaʼépepa ojojogua pe tiémpo jaikoha koʼág̃a ha pe tiémpo oiko hague Noé? (Mat. 24:36-39).
¿Mbaʼéichapa Noé ehémplo ohechauka iñimportanteha...
... ñañeorganisa porã? C
Taʼanga C
... ñandeguápo? D
Taʼanga D
... ñanepasiénsia? E
Taʼanga E
¿Mbaʼéichapa ikatu ndepyʼaguasu Noé ipyʼaguasu haguéicha?
Ejepyʼamongetamína Jehováre
Alee rire ko rreláto, ¿mbaʼépa aaprendeve Jehovágui?
Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?
¿Mbaʼépa aporandúne Noépe Jehová omoingove jey vove chupe?
Reikuaave hag̃ua
Ehechamína mbaʼéichapa peteĩ túa oñehaʼãmbaite osegi hag̃ua Noé ehémplo.
Jajoguákena umi ojeroviávape, ani umi ndojeroviáivape: Noépe, ani ivesinokuérape (2:57).
Eipytyvõmína ne familiakuérape oaprende hag̃ua Noégui.