Haʼe ogerrea odefende hag̃ua Ijárape

PETEĨ mitã hérava Caleb onase vaʼekue Moisés okañyha tiémpope faraóngui. Ituakuéraicha avei, Caleb ombaʼapo vaʼekue esklávoramo Egíptope imichĩete guive, péro upéi og̃uahẽta kuri la tiémpo okambiatahápe la isituasión. Caleb orekórõ guare 40 áñorupi, Moisés ou jey Egíptope. Koʼág̃a haʼe ou pórke Jehová voi omondo chupe olivera hag̃ua ipuévlope. ¡Mbaʼeichaitépa oiméne Caleb oñesorprende raʼe ohechávo Jehová ipoderosoitereintemaha! Haʼe ohecha Jehová ombouha 10 kastígo umi egípciope, ohecha ombojaʼoha pe Mar Rojo haʼekuéra okrusa hag̃ua ha avei ohundi peteĩ tesapirĩme pe ehérsito egípciope orreskata hag̃ua chupekuéra.

Caleb núnka ndahesaráiri koʼã mbaʼe oiko vaʼekuégui, opyta voi ojeroviavéntema Jehováre. Unos kuánto mése upe rire pe Sérro Sinaípe, haʼe ohechauka vaʼekue avei ifielha Jehovápe. Upérõ hetaiterei israelita ou ndojeroviavéi Jehováre ha opuʼã hese. Upe riremínte, Moisés omeʼẽ Calébpe peteĩ asignasión iñimportantetereíva. Haʼe omondo Caleb, Josué ha ótro 10 kuimbaʼe oporomoakãvape ovichea hag̃ua pe Tiérra Prometída.

Koʼã 12 kuimbaʼe pyʼaguasúpe oho opyta Canaánpe 40 díare. Oĩ aja hikuái Canaánpe omañambaite la oĩmívare guive upépe: umi siuda, umi hénte ha umi mbaʼe oprodusíva hikuái. Oukuévo ogueru voi hikuái unos kuánto frúta, umíva apytépe peteĩ fero parrál kácho mokõi kuimbaʼémante ikatúva ohupi. Upéi 10 kuimbaʼe oñepyrũ omombeʼu la ohecha vaʼekue ha Caleb ni noimoʼãi la ohendúva. Umi kuimbaʼe “osegi omombeʼu ivaívante voi upe lugár oho vaʼekuégui ovichea”. Haʼekuéra ojeplagea ha heʼi ndaipuʼakamoʼãiha umi cananéore, pórke koʼãva tuichaicha ha imbarete. Heʼi voi katu koʼãva haʼeha umi Nefilim familiare, hiʼarive haʼekuéra oñehundipáma kuri pe dilúviope. Umi israelita ohendúvo upéva oñedesanimaite voi ha ohose jeýntema Egíptope. Algúno katu ohechaséma voi mávapa ikatu omoakã chupekuéra ojevy jey hag̃ua.

Upéicharõ jepe, koʼã mbaʼe nomokangýi Josué ha Calébpe. Haʼekuéra oñehaʼãmbaite omokyreʼỹ umi héntepe ha heʼi chupekuéra: ‘Ñanendive oĩ Jehová, aníke pekyhyje chuguikuéra’. Péro koʼã mbaʼe heʼíva hikuái ombopochyve rei umi israelita ojeroviaʼỹvape. Oñepyrũma voi katu heʼi hikuái ojapitaha itápe Caleb ha Josuépe ojuka hag̃ua chupekuéra.

Ohechávo la oikóva, Jehová oñeñandu vaieterei. Umi israelita ndojeroviavéi jeýma hese, ha pyaʼe voi hesaráima hikuái entéro mbaʼe haʼe ojapo vaʼekuégui orreskata hag̃ua chupekuéra Egíptogui. Oikórõ jepe koʼã mbaʼe, Jehovágui ndojehasái kuri mbaʼeichaitépa Caleb ha Josué ojerovia ha ipyʼaguasu. Jehová heʼi voi: “Che siérvo Caleb idiferénte vaʼekue umi ótrogui, ha osegi iñeʼẽrendu chéve ipyʼaite guive”. Upérõ guare, Jehová heʼi entéro koʼã israelita ojeroviaʼỹva omanomba reitaha pe desiértope.a Péro heʼi avei Josué ha Caleb oĩtaha umi mbovymi ojesalvátava apytépe ha haʼekuéra si oiketaha pe Tiérra Prometídape.

Cuarenta áñore umi israelita oiko okorre pe desiértore. Ha entéro umi áño ohasa vaʼekuépe Caleb osegi ojerovia mbarete ha ipyʼaguasu. Haʼe siémpre oapoja vaʼekue Moiséspe. Ha Jehová onombrárõ guare Josuépe ombokrusa hag̃ua ipuévlope pe Rrío Jordán oike hag̃ua pe Tiérra Prometídape, Caleb oapoja vaʼekue avei chupe. Caleb ijedáramo jepe, lomímonte pyʼaguasúpe oñorairõ vaʼekue Jehová enemigokuéra kóntrape Canaánpe.

Ohasa rire 6 áño umi israelita okrusa hague pe Rrío Jordán, haʼekuéra ja ojagarrapa léntoma kuri pe Tiérra Prometída. Upérõ guare, hasypeve Caleb ikatúma kuri odesidi moõpa ojagarráta la ijyvyrã oiko hag̃ua ifamíliandi. Haʼe oelehi vaʼekue oikoseha Hebrónpe. Hústo péva haʼe kuri pe lugár umi 10 israelita ojeroviaʼỹva heʼi vaʼekue ndaikatumoʼãiha ojejagarra pórke tuichaicha umi gerréro oikóva upépe. Péro Caleb ojeroviaiterei Jehováre, ha orekómarõ jepe 85 áño heʼi: “Jehová katuete oĩta chendive ha amosẽmbáta chupekuéra, Jehová opromete haguéicha”. Ha upeichaite oiko kuri. Caleb ojagarra upe siuda ha opyta oiko upépe. “Ha péicha upe yvýpe noñorairõvéima hikuái”.

Heta áño upéva oiko mboyve, Moisés heʼi vaʼekue Calébpe: “Nde neñeʼẽrendu Jehová che Járape nde pyʼaite guive”. Ndajadudái ni michĩmi Caleb osegi hague oiko upéicha omano meve. Ha katuete Jehová omoingove jey vove chupe, ¡haʼe iñeʼẽrendu jeýta chupe ipyʼaite guive!

¿Moõpa oñeñeʼẽ hese la Bíbliape?

• Números 13:1–14:​12, 20-38

• Josué 14:​6-15

¿Mbaʼépa ere chupe?

¿Mbaʼérepa jaʼekuaa Caleb ipyʼaguasu hague?

Einvestigamína

1. 1. Según Números 13:​23, ¿mbaʼeichaitépa tuicha raʼe umi parrál kácho ha mbaʼérepa jaʼekuaa siertoha upéva? (w06 15/6 16 párr. 1, 2-wcgr).

   Rrespuésta

2. 2. Caleb ha Josué heʼi vaʼekue pe Tiérra Prometídape oĩha hetaiterei “kamby ha eirete”. ¿Mbaʼérepa jaʼekuaa upéva siérto hague? (Núm. 14:8; w11 1/3 15-wcgr). A

   Rrespuésta

   

   Institute of Archaeology/Hebrew University © Tel Rehov Excavations

3. 3. Moisés omondórõ guare Cadésgui umi 12 kuimbaʼépe, ¿mombyrýitipa oĩ raʼe umi israelita pe Tiérra Prometídagui? (w04 15/10 17 párr. 11, 12-wcgr). B

   Rrespuésta

   

4. 4. ¿Mbaʼéichapa Jehová opremia raʼe Calébpe ojerovia ha ipyʼaguasu haguére? (w06 1/10 18 párr. 11-wcgr).

   Rrespuésta

Ejepyʼamongetamína ndejehe

• Caleb ohechaukárõ jepe ojeroviaha, lomímonte heta okorre umi israelítandi pe desiértore. Upéicharõ jepe haʼe ohechauka iñumildeha ha osegi ojerovia Jehováre. ¿Mbaʼéicha javépa ñande ikatúne avei jasegi iñehémplo?

  Rrespuésta

• ¿Mbaʼéichapa Caleb ehémplo ikatu ñanepytyvõ ani hag̃ua ‘ñamoirũ umi héntepe’ ha jajapo la haʼekuéra ojapóvante avei? (Éx. 23:2). C

  Rrespuésta

  

• ¿Mbaʼe mbaʼépa ikatu ejapove ehechauka hag̃ua ndepyʼaguasuha Caleb ipyʼaguasu haguéicha?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼépa aporandúne Calébpe Jehová omoingove jey vove chupe?

  Rrespuésta

Reikuaave hag̃ua

Ehechamína mbaʼérepa ikatu jaʼe Caleb ipyʼaguasu hague ojerovia rupi.

Ñandepyʼaguasúta jarrespetáramo Ñandejárape ha jajerovia hese (w06 1/10 16-19 párr. 1-12-wcgr).

Caleb orekópe 85 áñorupi heʼi vaʼekue: “Cheñeʼẽrendu Jehová che Járape che pyʼaite guive”. ¿Mbaʼérepa haʼe heʼi vaʼekue upéva? (Jos. 14:8).

¿Neñeʼẽrendúpa Jehovápe nde pyʼaite guive? (w93 15/5 26-29-wcgr).