Haʼe odefende pe ogoverna vaʼerãme

JEHOIADÁ ijedáma vaʼekue péro imbaretéiti. Haʼe oĩ vaʼekue ojapo hag̃uáicha oimeraẽ mbaʼe Jehová rehehápe. Jehoiadá oservi vaʼekue kómo súmo saserdóte Jerusalénpe. Upévare ikárgope opyta vaʼekue ogia umi héntepe oadora hag̃ua Ñandejárape. Péro upéva ijetuʼu pórke upe tiémpope umi israelita desástre vaʼekue.

Umi israelita ojapo vaʼekue heta mbaʼe vai Atalía káusare. Haʼe ningo haʼe vaʼekue Acab rajy, haʼéva pe rréi de Israel. Ha isy katu haʼe vaʼekue Jezabel. Atalía tuakuéra iñañaiterei vaʼekue, upévare Jehová heʼi voi hogayguakuéra oñehundipataha. Atalía omendáramo jepe pe rréi de Judáre, ndogustaieterei vaʼekue chupe umi mbaʼe ojejapóva Jehovápe g̃uarã. Iména omano rire, imemby oñepyrũ ogoverna, péro upe riremínte omano avei Jehová voi oipota rupi. Upe rire Atalía odesidi haʼéntema ogovernataha. Péro upéva ndahaʼéi vaʼekue la Jehová oipotáva. Jehová odesidi vaʼekue pe ogovernáva ipuévlope haʼe vaʼerãha peteĩ kuimbaʼe oúva David familiarégui. Atalía oasegurase ipuésto, upévare ojukauka enterove ikatúvape ojupi hendaguépe. Ni inietokuérape noperdonái.

Jehoiadá rembireko haʼe vaʼekue peteĩ prinsésa ipyʼaguasúva hérava Jehoseba, oñehenóiva jepi avei Jehosabeat. Haʼe ha iména ndoipotaieterei ojejukapa umi mitãʼi oúva David familiarégui. Haʼekuéra oikuaa vaʼekue Jehová opromete hague peteĩ David familiare ogovernataha pára siémpre (2 Sam. 7:​12, 13). Upémarõ Jehoseba odesidi oprotehetaha peteĩva umi mitãme, peteĩ ndorekóitiva ni un áño. Haʼe oñembopyʼaguasu ha onohẽ kañyhaitépe upe mitãme pe palásiogui. Upéi haʼe ogueraha iména rendápe pe mitãme ha pe kuñakarai oñangarekóvape hese. Upémarõ Jehoiadá odesidi oguerahataha chupe peteĩva umi koty oĩvape pe témplope, ani hag̃ua avave otopa hese.

Ko mitãmi hérava Jehoás, oiko kañyhaitépe Jehová rógape 6 áñore. Upépe Jehoiadá oprotehe chupe. Péro oiméne ijetuʼu raʼe upéva, pórke Atalía opilláramo chupekuéra amóntema hikuái. Péro peteĩ díape Jehoiadá odesidi ojapóma vaʼerãha álgo. Haʼe ohenoika 5 kuimbaʼe ifiélva omoakãva umi soldádope ha omombeʼu chupekuéra la arete guivéma omokañýva oikóvo. Haʼe heʼi chupekuéra peteĩ David familiare oikoveitiha ha oñemoĩ vaʼerãha chupe rréiramo. Ojerure avei chupekuéra toprepara 500 soldádo ikatu vaʼerã opyta pe témplope ha ijerére. Umi soldádo ojagarra umi árma ha eskúdo oĩ vaʼekue pe témplope ha oñemoĩmbaite pe mitãʼi jerére oprotehe hag̃ua chupe. Upe aja Jehoiadá omoñepyrũ pe seremónia onombra hag̃ua Jehoáspe rréi. Upépe umi hénte ijayvu joa ha ojepopetepa. Atalía ohendúvo upéva, odipara ou ohecha hag̃ua mbaʼépa oiko.

Haʼe ou ojasuru pe témplo korapýpe ha pyaʼe voi opilla mbaʼépa la oikóva hína. Haʼe ndoipotaieterei oñemoĩ Jehoáspe rréiramo, upévare osapukái: “¡Traisión, traisión!”. ¿Ha haʼe guaʼu mbaʼe? ¡Haʼéngo la traidóra! Oimérõ opensa raʼe oĩtaha la oapojáva chupe, tuichaiterei ojavy. Jehoiadá ndoguevíri chugui. Upémarõ omanda umi omoakãvape umi soldádope oguenohẽ hag̃ua chupe pe témplogui. Osẽ rire hikuái upégui, umi soldádo ojuka Atalíape. Jehová ningo heʼi vaʼekue voi ohunditaha “kompletoite Acab rogayguápe” (2 Rey. 9:8). Posívlemente Atalíantema la ofalta vaʼekue ojekastiga upe família iñañaitévagui.

Péro ndahaʼéi upévante la Jehoiadá ojapo vaʼekue. Haʼe omokyreʼỹ pe puévlope ha pe rréipe ohura hag̃ua ifieltaha Jehovápe añoite. Upéi omanda umi héntepe oho hag̃ua oitypa Baal témplo ha ojuka hag̃ua isaserdótepe. Oikopa rire koʼã mbaʼe, Jehoiadá oñehaʼãmbaite omongakuaa porã hag̃ua Jehoáspe ikatu hag̃uáicha oiko chugui peteĩ rréi ivuéno ha ifiélva. Haʼe osegi ojapo upéicha omano meve, orekópe 130 áño. Upe rire oñeñotỹ chupe oñeñotỹháme avei umi rréi ogoverna vaʼekue Jerusalénpe. Upéva tuichaiterei mbaʼe, pórke umi saserdótepe noñeñotỹimi umi rréi apytépe.

Ñambyasýramo jepe, Jehoiadá omano rire Jehoás oñepyrũ oñembyai. Umi prínsipe oĩva Judápe oadoráva umi taʼanga, oñepyrũ oraha vai chupe. Upévare haʼe omokyreʼỹma avei umi héntepe oadora hag̃ua umi taʼanga ha nopenái umi proféta ou vaʼekuére oñemoñeʼẽ chupe. Peteĩva umi proféta oho vaʼekue hendápe haʼe vaʼekue Zacarías, Jehoiadá raʼy. Haʼe oporandu pe puévlope: “¿Mbaʼére piko peẽ napekumplíri hína Jehová mandamientokuéra?”. Upéva ombopochyeterei Jehoáspe ha omanda ojejuka hag̃ua chupe. Upéicharõ jepe Zacarías ndoguevíri vaʼekue ha osegi ipyʼaguasu omano meve, itúaicha avei. Heta áño upe rire, Jesucristo imanduʼa porã vaʼekue Zacaríasre. Jehová ha Jesús núnka ndahesaráiri umi kuimbaʼe ha kuña ipyʼaguasúvagui.

¿Moõpa oñeñeʼẽ hese la Bíbliape?

• 2 Reyes 11:​1-21; 12:​1, 2

• 2 Crónicas 22:​10-12; 23:​1-21; 24:​1, 2, 7, 15-22

• Mateo 23:35

¿Mbaʼépa ere chupe?

¿Mbaʼérepa jaʼekuaa Jehoiadá ipyʼaguasu hague?

Einvestigamína

1. 1. Según unos kuánto expérto, ¿mávapa rakaʼe umi ‘rréi guardiakuéra’ oipytyvõ vaʼekue Jehoiadápe oñemoĩ hag̃ua Atalíare? (2 Rey. 11:​4, 19; it “Guárdia caria”-wcgr).

   Rrespuésta

2. 2. ¿Mbaʼérepa Jehoiadá omoĩ raʼe Jehoás akã ári pe “lívro de la léi”? (2 Rey. 11:​12, nóta; w91 1/2 31 párr. 5, 6-wcgr). A

   Rrespuésta

   

3. 3. ¿Mbaʼérepa Jehoás omanda vaʼekue oñemyatyrõ hag̃ua Jehová róga? (2 Crón. 24:​4-7, 11-14; it “Jehoás” Núm. 1 párr. 5-wcgr).

   Rrespuésta

4. 4. Zacarías haʼe vaʼekue Jehoiadá raʼy, ¿mbaʼérepa upéicharõ Jesús heʼi Zacarías haʼe hague “Baraquías raʼy”? (Mat. 23:35; w23.06 18 párr. 17, nóta).

   Rrespuésta

Ejepyʼamongetamína ndejehe

• Jehoiadá orekóne raʼe 100 áñorupi omokañýrõ guare Jehoáspe. ¿Mbaʼéichapa iñehémplo ikatu omokyreʼỹ umi ermáno ijedávape? (Sal. 92:​12, 14). B

  Rrespuésta

  

• Jehoás oho porã vaʼekue hese ojapoha tiémpope Jehoiadá heʼíva. ¿Mbaʼépa umi imitãva ikatu oaprende upévagui?

  Rrespuésta

• ¿Mbaʼéichapa ikatu ndepyʼaguasu Jehoiadá ipyʼaguasu haguéicha?

  Rrespuésta

Ejepyʼamongetamína Jehováre

• Alee rire ko rreláto, ¿mbaʼépa aaprendeve Jehovágui?

  Rrespuésta

• Alee rire ko rreláto, ¿mbaʼépa aaprendeve Jehová rembipotágui ha pe téma prinsipál orekóvagui la Biblia?

  Rrespuésta

• ¿Mbaʼépa aporandúne Jehoiadápe Jehová omoingove jey vove chupe?

  Rrespuésta

Reikuaave hag̃ua

¿Mbaʼéichapa la oiko vaʼekue Jehoás rehe ikatu oipytyvõ umi mitãme oelehi porã hag̃ua iñamigorã?

Ojesalva Jehoáspe ha upéi haʼéma oporojuka (w09 1/4 24, 25).

¿Mbaʼéichapa ñane organisasión osegi Jehoiadá ehémplo ombyaty ha oipurúta jave umi kontrivusión? ¿Mbaʼépa ñanemboʼe upéva?

Umi kontrivusión ombovyʼáva Jehovápe (w05 1/11 26, 27-wcgr).