Umi rreikuéra tiémpo guive oñemopuʼã jey peve Jerusalén

Ko seksiónpe jahecháta umi mbaʼe oiko vaʼekue 600 áño aja. Ñepyrũrã ñañeʼẽta Jonatán rehe, rréi Saúl raʼy. Upéi ñañeʼẽta David rehe, haʼéva pe primer rréi de Israel ifiél añete vaʼekue. Upe rire jahecháta jahávo umi mbaʼe oiko vaʼekue umi judíore ou jey peve hikuái Babilóniagui omopuʼã hag̃ua Jerusalén. Tuicha ñanemokyreʼỹta ñaanalisávo la ohasa vaʼekue Abigaíl, Natán, Elías, Daniel, Ester, Nehemías ha hetave ótro. Hendivekuéra ijetuʼu vaʼekue heta mbaʼe. Oĩ vaʼekue tekotevẽva omoakã Jehová puévlo irreveldetévape, ótro katu oaguanta vaʼerã umi governánte ojapóvape mbaʼe vai ha oĩ vaʼekue avei tekotevẽva oñeʼẽ Jehová rérape, jepe umi israelita ohejapa Jehovápe ha iñañaiterei.