Mbaʼépa omboʼe la Biblia—Ko lívro haʼéta koʼág̃a pe iñimportantevéva jajapo hag̃ua estúdio vívliko
1 Ajépa javyʼa osẽrõ guare pe lívro pyahu Mbaʼépa añetehápe omboʼe la Biblia? pe asambléa de distríto “Ñaneñeʼẽrendu Ñandejárape”. Vyʼápe jaha jaheka ñande livrorã sábado kaʼaru opa rire pe prográma. Mbaʼéichapa jaiporúta ko lívro pyahu? Ojeprepara jajapo hag̃ua estúdio vívliko. Febrérope ñañepyrũta ñaikuaveʼẽ predikasionhápe, péro romokyreʼỹ puvlikadorkuérape oiporúma hag̃ua ko lívro omoñepyrũ ha ojapo hag̃ua estúdio vívliko.
2 Umi estúdio ojejapóva koʼág̃a. Umi puvlikadór oiporuvahína pe lívro Conocimiento térã pe folléto Mbaʼépa ojerure oporomboʼe hag̃ua, ohechavaʼerã arakaʼe ha mbaʼéichapa ohasáta pe lívro pyahúpe. Peteĩ estúdio ipyahúramo, iporãvéta pehasáramo koʼág̃ama voi pe lívro pyahúpe. Pestudia pukumímarõ pe lívro Conocimiento, pehasa hag̃ua pe lívro pyahúpe ikatu peiporu peteĩ kapítulo opyta porãtava. Pestudiapapotámarõ Conocimiento, ikatúnte pesegi opa peve pe lívro.
3 Heta ñande rapichápe ou porãta ko lívro Mbaʼépa omboʼe la Biblia. Eñehaʼãkena eikuaveʼẽ chupekuéra peteĩ estúdio vívliko ko lívro pyahúpe. Umi ostudiapamavaʼekue pe folléto Mbaʼépa ojerure, térã pe lívro Conocimiento, ha ndoprogresaivaʼekue ojevautisa hag̃uáicha, ikatu koʼág̃a ostudiase ko lívro pyahu. Tuvakuéra ikatu avei oiporu ko puvlikasión omboʼévo ifamíliape oikuaa porãve hag̃ua pe Ñandejára oipotáva (Col. 1:9, 10).
4 Mbaʼe lívropa jastudiáta upe rire. Mbaʼe lívropa ikatu jaiporu jastudiapa rire Mbaʼépa añetehápe omboʼe la Biblia? Pe estudiánte oho porãramo, imbeguéramo jepe, ha omombaʼéramo pe oaprendéva, ikatu ojestudia hendive pe lívro Adoremos al único Dios verdadero. Rojerovia ko lívro pyahu tuicha ñanepytyvõtaha jajapo hag̃ua disípulo, pe tembiapo oñemeʼẽvaʼekue ñandéve (Mat. 28:19, 20).