Mbaʼéichapa ñaikuaveʼẽta ñande rrevísta

Ñemañaha Octubre

“Mbaʼépa nde repensa koʼápe heʼívare? [Elee Deuteronomio 32:4.] Ñandejára ningo omombaʼeterei pe oĩ porãva ha ipoderosoiterei. Ha mbaʼérepa upéicharõ oheja hetaitéma ojehasa asy ha oiko hetaite mbaʼe vai ko múndope? [Ehaʼarõ tokontesta.] Ko rrevísta omombeʼu mbaʼérepa Ñandejára oheja oiko hetaite mbaʼe vai koʼág̃a peve.”

¡Despertad! Octubre

“Heta ningo oĩ omanóva chugui ihénte, térã hapicha ohayhúva, ajépa? Moõpa oiméne hikuái? Ndépa ere oiméne hag̃ua ñanderecha hikuái yvága guive? [Ehaʼarõ tokontesta.] Tahechaukamína ndéve mbaʼépa Jesús heʼivaʼekue iñamígo Lázaro omanórõ guare [elee Juan 11:11]. Ko rrevístape oñemyesakã porã ñandéve añetehápepa umi omanovaʼekue oikovehína ambue hendápe, térãpa opytuʼuhína ohaʼarõ aja oñemoingove jey chupekuéra.” Ehechauka oĩva páhina 28-pe.

Ñemañaha Noviembre

“Rejepyʼapýpa nerenonderãre? [Ehaʼarõ tokontesta.] Avave ningo ndoikuaái mbaʼépa ohaʼarõ chupe henonderãme ha upéicha rupi ojepyʼapy koʼág̃a g̃uarãrente. Tahechaukamína ndéve, mbaʼépa heʼivaʼekue Jesús ñane renonderãre [elee Mateo 6:34]. Ko rrevístape oñemyesakã porã mbaʼéichapa ikatu jajepreparamañaína ñanerenonderãme g̃uarã ha ani hag̃ua jajepyʼapy koʼág̃a g̃uarãrente.”

¡Despertad! Noviembre

“Yma ningo heta oĩvaʼekue ojeroviáva la Bíbliare, péro koʼág̃a rupi ndaupeichavéima. Ndépa ere ikatuha gueteri jajerovia hese koʼág̃a? [Ehaʼarõ tokontesta ha upéi elee 2 Timoteo 3:16.] Ko rrevísta ¡Despertad! oñeguenohẽva koʼág̃a iporãiterei, ha omyesakã ñandéve la Biblia haʼeha Ñandejára Ñeʼẽ.”