Mbaʼéichapa ñaikuaveʼẽta ñande rrevísta

Ñemañaha 1 de julio

“Enterovénte ningo ñambyasy omanóvo ñandehegui peteĩ jahayhúva, ajépa? Ndépa ere upéicha jave ñanepytyvõne hag̃ua jaleéramo la Biblia? [Ehaʼarõ tokontesta ha upéi elee chupe Salmo 55:22.] Ko rrevístape retopáta heta konsého iporãva omeʼẽva ñandéve la Biblia ha ñanepytyvõva jagueropuʼaka hag̃ua ñane mbaʼe mbyasy.”

¡Despertad! Julio

“Rehechakuaápa mbaʼeichaitépa koʼág̃a rupi ojejapo paje, máhia ha opaichagua espiritísmo. Heta oĩ heʼíva ndaivairiha umíva. Mbaʼépa nde ere? [Ehaʼarõ tokontesta ha upéi elee chupe Deuteronomio 18:10-12.] Ñandejára Ñeʼẽme heʼi ivaiha pe espiritísmo ha ko rrevísta omombeʼu mbaʼérepa.” Ehechauka chupe pe artíkulo oĩva páhina 10-pe.

Ñemañaha 1 de agosto

“Oñembyaipágui ko yvy oĩ heta heʼíva koʼẽrõitéma oñehunditaha. Mbaʼépa nde repensa? [Ehaʼarõ tokontesta ha upéi elee chupe Salmo 37:11.] Ko rrevístape oñemyesakã Biblia rupive mbaʼérepa ikatu ñahaʼarõ oikotaha heta mbaʼe porã tenonderãme.”

¡Despertad! Agosto

“Oñembyaipa ningo ohóvo ñande yvy, upévare koʼág̃a rupi hakuetereive ymaguarégui. Upéicha rupi heta oĩ heʼíva koʼẽrõite oñehunditaha ko múndo. Ndépa ere ikatúne hag̃ua oñemyatyrõ upe provléma? [Ehaʼarõ tokontesta ha upéi elee chupe Isaías 11:9.] Ko rrevístape ojehechauka mbaʼérepa ikatu ñahaʼarõ jaikotaha opa ára g̃uarã ko yvy ape ári.”