“Jaikókena Ñandejára mborayhúpe”
1. Maʼerãpa ojejapo pe lívro “Jaikókena Ñandejára mborayhúpe”?
1 Ág̃a semána 23 de febrero ojejapóvo Ñandejára Ñeʼẽ Ñehesaʼỹijo jastudiáta ñande lívro pyahu “Jaikókena Ñandejára mborayhúpe”. Oimevaʼerãngo jaipotaitéma og̃uahẽ pe día! Pe kárta omboúva ñandéve Cuerpo Gobernante heʼi ko lívro pyahúre: “Hiʼãite ningo oréve ko lívro tapenepytyvõ pejapo hag̃ua la Biblia heʼíva ha péicha ‘peiko Ñandejára mborayhúpe pehaʼarõ aja pe jeikove opaʼỹva’ (Judas 21)”.
2. Mbaʼe mbaʼépepa ñanepytyvõta ko lívro?
2 Mbaʼépa jahecháta. Jastudiávo ko lívro ikatúta ñahekomboʼe porã ñane konsiénsia Ñandejára Ñeʼẽ rupive. Pór ehémplo jaikuaáta mbaʼéichapa jaiporavo porãta ñane amigorã ha umi vyʼarã. Avei mbaʼéichapa jahechavaʼerã umi arete, autorida ha ñemenda. Ha ñañatende porã hag̃ua umi mbaʼe jaʼévare (Sal. 19:7, 8). Upéicha ikatúta ñantende porã mbaʼéichapa Jehová opensa ha ñaneñeʼẽrendúta chupe opa mbaʼépe (Pro. 27:11; 1 Juan 5:3).
3. Mbaʼérepa jajeprepara porã vaʼerã jastudia hag̃ua ko lívro?
3 Ñakomentákena. Jajeprepara porã vaʼerã ñamombaʼeguasu hag̃ua Jehovápe (Heb. 13:15). Ko lívro ñahesaʼỹijóta oñondivepa Salónpe. Jastudiátagui saʼive informasión jajeprepara porãve vaʼerã ha ñakomenta mbykymi umi mbaʼe ñaaprendéva. Péicha igustovéta ñande estúdio ha ñañomokyreʼỹta jajapo hag̃ua umi mbaʼe iporãva (Heb. 10:24). Avei jahechaukáta jajeroviaha Ñandejárare ha ñañeñandu porãitereíta.
4. Mbaʼéichapa ñanepytyvõta avei ko lívro pyahu?
4 Jesucristo omano mboyve heʼivaʼekue jahayhúramo Jehovápe ñaneñeʼẽrendutaha Chupe opa mbaʼépe (Juan 15:10). Ko lívro pyahu ñanepytyvõta jajapo hag̃ua ára ha ára la Biblia heʼíva ha ‘jaiko hag̃ua Ñandejára mborayhúpe’ (Jud. 21).