Ñaporoinvitákena Conmemoracionrã
1. Mbaʼépa jajapóta ág̃a 21 de marzo guive ha mbaʼérepa?
1 Ág̃a jueves 9 de abril ñañembyatypáta ñanemanduʼa hag̃ua Jehová ombou hague Jesúspe omano hag̃ua ñanderayhupápe (Rom. 5:6-8). Hiʼãite ningo umi hénte ipyʼaporãva ñanemoirũmi jagueromanduʼa hag̃ua Jesús omano hagueha ára. Upévare ág̃a 21 de marzo guive ñañepyrũta ñainvita opavavépe oĩ hag̃ua ñanendive ko aty iñimportantetereívape.
2. Mbaʼépa jaʼekuaa ñaporoinvita jave?
2 Nemanduʼákena ã mbaʼére. Eiporúkena umi taʼanga, porandu ha téysto oĩva pe invitasiónpe. Pór ehémplo, remeʼẽta vove ikatu rehechauka ijape ha upéi ere: “Ahejasemi ningo ndéve ko invitasión oremoirũ hag̃ua ág̃a jueves 9 de abril ñanemanduʼa hag̃ua Jesús omano hagueha ára”. Upe rire releekuaa pe título ha umi porandu oĩva ijapére. Ha ere chupe ñahaʼarõ ha javyʼaitereitaha oinvitáramo ihentekuérape térã ambue tapichápe upearã.
3. Mbaʼépa ikatu jajapo ñameʼẽ rire pe invitasión?
3 Oiméramo ñande território tuicha ha ndajajuhúi óga járare, umi ansiáno ohechavaʼerã jahejátapa pe invitasión upépe. Sábado ha domingokue katu ñapresentáta ñande rrevistakuéra pe invitasión ndive. Ñañehaʼãmbaitékena ñainvita ñane hénte, ñande rrevisíta ha ñane estudiántepe. Ñane kompañéro de koléhio térã ñande travahohapegua, ñane vesíno ha ambue jaikuaávape avei. Pór ehémplo pe áño ohasavaʼekuépe peteĩ ermána oinvita treinta ihentekuérape. Ha omomanduʼa jey jepi chupekuéra mbaʼérepa iñimportánte oĩ upépe hikuái. Ovyʼaiténeraʼe oho haguére veinticinco voi umi treinta apytégui! Ha koʼãvagui cuatro oñepyrũ ostudia la Biblia.
4. Mbaʼéichapa ikatu ñañembosakoʼíma koʼág̃a?
4 Ñañembosakoʼímakena. Iporãitereíta ningo ág̃a marzo ha abrílpe ñañehaʼãramo jajapove Jehová servísiope. Ikatu ñamokyreʼỹ ñane família térã ñane estudiántepe oiko hag̃ua chuguikuéra puvlikadór. Koʼág̃a guive ñañembosakoʼimavaʼerã ñasẽ hag̃ua ñainvita opavavépe ñanemoirũ hag̃ua ko aty iñimportantetereívape, ñanemanduʼatahápe mbaʼeichaitépa Jehová ha Jesús ñanderayhu (Juan 3:16; 15:13).