Umi mbaʼe jaikuaaséva

◼ Mbaʼépa jajapokuaa ojeʼéramo ñandéve anive hag̃ua japredika?

Ñande ningo jaipota opavave ohendu pe marandu porã, upéicha rupi japredika opárupi ha opavavépe. Péro ñañatende porã vaʼerã jajapóvo ko tembiapo. Pór ehémplo sapyʼánte oĩ polisía omandáva ñandéve anive hag̃ua japredika, pórke heʼi nañakumpliriha la léi heʼíva. Umícha jave natekotevẽi ñañemombaretese, ñanderoryntevaʼerã hendivekuéra ha ikuentave jaha upe lugárgui pyaʼe porã (Mat. 5:41; Fili. 4:5). Ndovaléi jaiko vai rei avavéndi ñadefende guaʼuhápe ñande derécho térã ñasolusionase ñandénte. Ñañehaʼãvaʼerã jahecha pe polisía pláka número ha mbaʼe komisariapeguápa, péro hiʼãnte jajapo porã koʼã mbaʼe. Upe rire pyaʼe porã jaha umi ansiáno rendápe ha ñamombeʼu chupekuéra la oikóva ha haʼekuéra omombeʼu jeýta sukursálpe. Péicha avei jajapovaʼerã peteĩ edifísio jára térã guárdia ndoipotáiramo japredika upépe. Ñañehaʼãmbaitékena ñaneakãguapy ha jatrata porã umi autoridápe, upéicha jajeíta heta akãrasýgui (Pro. 15:1; Rom. 12:18).