Mbaʼéichapa ikatu ñaikuaveʼẽ ñande rrevísta
Ñemañaha Octubre-Diciembre
“Ndaipóri ko yvy ape ári peteĩ tapicha naiprovlémaiva [remombeʼukuaa umi provléma hetave héntepe oipyʼapýva]. Ndépa mbaʼe rekalkula, mbaʼéichapa Ñandejára ñanepytyvõkuaa jaropuʼaka hag̃ua? [Ehaʼarõ tombohovái.] Jesucristo omombeʼu ñandéve [elee Lucas 11:13]. Mbaʼépa hína pe pytu marangatu, ha mbaʼéichapa ñanepytyvõkuaa? Ko rrevísta omyesakã porãve upéva.”
¡Despertad! Octubre
“Koʼág̃a rupi haʼete ku ndaipóriva voi ni peteĩ família oikóva pyʼaguapýpe, oĩmantevaʼerã provléma, ajépa? [Ehaʼarõ tombohovái.] Ñambyasýramo jepe heta hénte ndoikuaái la Bíbliape oĩha heta konsého ikatúva oipytyvõ peteĩ famíliape. Pór ehémplo aleemíta ndéve peteĩ [elee peteĩ téysto oĩva ko rrevístape]. Ko rrevísta espesiál ohechauka mbaʼéichapa la Biblia oipytyvõ umi famíliape ombohovái porã hag̃ua opaichagua provléma.”
Ñemañaha Octubre-Diciembre
“Koʼág̃a rupi hetaiterei hénte ndojeroviavéima Ñandejárare. Ndépa mbaʼe repensa, mbaʼéicha rupípa oiko upéva? [Ehaʼarõ tombohovái.] Jahechamína mbaʼépa heʼi la Biblia [elee Habacuc 1:2, 3]. Ko artíkulo ohechauka Ñandejára oysistiha ha mbaʼérepa iñimportánte jajerovia hese.”
¡Despertad! Noviembre
“Koʼág̃a rupi haʼete voi avave ndaikatúiva oiko selulár, komputadóra térã ambue aparáto elektronikoʼỹre. Omohembyvépa térã hoʼuve ñandehegui ñane tiémpo umi mbaʼe? Ndépa mbaʼe repensa? [Ehaʼarõ tombohovái.] La Biblia heʼi mbaʼéichapa jaiporuvaʼerã ñane tiémpo, jaleemína [elee Efesios 5:15, 16]. Ko rrevísta ñanepytyvõta jaiporukuaave hag̃ua ñane tiémpo ha avei ohechauka mbaʼéichapa ikatu ñanembaʼerechakuaa ñande rapichándi jaiporúvo koʼã aparáto.”