Mbaʼéichapa ikatu ñaikuaveʼẽ ñande rrevísta?

Ñemañaha Octubre-Diciembre

“Ndaipóri ko yvy ape ári peteĩ tapicha naiprovlémaiva [ikatu reñeʼẽ umi provlémare oipyʼapyvéva umi héntepe]. Ndépa mbaʼe rekalkula, mbaʼéichapa Ñandejára ñanepytyvõkuaa jagueropuʼaka hag̃ua? [Ehaʼarõ tombohovái.] Jesucristo omombeʼu ñandéve mbaʼépa ikatu ñanepytyvõ [elee Lucas 11:13]. Ko rrevísta omyesakã porãve mbaʼépa hína pe pytu marangatu, ha mbaʼéichapa ñanepytyvõkuaa.”

¡Despertad! Diciembre

“Aleesemi ndéve peteĩ mbaʼe Jesús heʼivaʼekue [elee Mateo 5:3]. Koʼág̃a rupi ningo oĩ hetaiterei rrelihión, mbaʼépa nde ere, enterovéntepa ikatu ñanepytyvõ ñañemoag̃ui hag̃ua Ñandejárare? [Ehaʼarõ tombohovái.] Ko rrevístape oñemyesakã mbaʼépa heʼi la Biblia jajapovaʼerãha ñañemoag̃uive hag̃ua Ñandejárare.” Ehechauka chupe páhina 12.

Ñemañaha Enero-Marzo

“Oiméne rehendúva oĩha rrelihión heʼíva ndovaleiha ojeʼu vevída. Repensámapa nde mbaʼépa heʼi Ñandejára ko mbaʼére? [Ehaʼarõ tombohovái.] La Biblia ningo omombeʼu peteĩ jey Jesús ojapo hague ýgui víno, péro emañamína mbaʼépa heʼi avei koʼápe [elee Proverbios 23:20a]. Ko rrevísta omombeʼu mbaʼépa Ñandejára opensa upévare.”

¡Despertad! Enero

“Koʼág̃a rupi ivaipaite la pórte, heta hénte ombaʼapoiterei ha upévare oiko hikuái ipire vaiháre. Ndépa reñeñandu jepi avéi upéicha? [Ehaʼarõ tombohovái.] Emañamína mbaʼépa heʼi la Biblia koʼápe [elee Eclesiastés 4:6]. Ko rrevísta ohechauka mbaʼéichapa ñambaʼapóramo jepe, ñamboykekuaa tiémpo ñaime hag̃ua ñane famíliandi ha avei japytuʼu hag̃ua. Heʼi avei mbaʼépa ikatu ojapo umi ohekáva itravahorã.”