Ñañehaʼãmbaitékena ñamoñepyrũ estúdio vívliko primer sábado del mes
Mayo 2011 guive oñemokyreʼỹ opavave maranduhárape omoñepyrũ hag̃ua estúdio vívliko primer sábado de káda mes. Upearã tuichaiterei ñanepytyvõ pe párte “La Biblia ombohovái koʼã porandu”, osẽva ñande rrevísta Ñemañaha púvlikope. Upévare, primer sábado del mes pe aty ojejapóvape oñesẽ mboyve predikasiónpe, oñemyesakã vaʼerã mbaʼéichapa ikatu jaiporu ko párte ha ojejapo vaʼerã peteĩ demostrasión.
Umi ansiáno odesidi vaʼerã pe primer sábado del mes oñembyatýtapa Salón del Réinope oñondivepa umi grúpo osẽ hag̃ua predikasiónpe térãpa káda grúpo oñembyatýta apárte. Péro oĩramo heta kongregasión oiporúva pe Salón del Reino, ni peteĩva nokambiái vaʼerã pe día oñekuaveʼẽ hag̃ua estúdio vívliko ombyatypaséguinte umi grúpo Salónpe.